2018 жылы 2,7 млрд. теңге сомаға гепатитке қарсы 6 препарат сатып алынатын болады, деп хабарлады ҚР денсаулық сақтау министрлігінің баспасөз қызметінен.
«2018 жылға қазақстандықтарды тегін дәрі-дәрмекпен қамтамасыз ету үшін 2,7 млрд. теңге сомаға вирустық гепатитті емдеу үшін 5 препараттың атауы және В вирустық гепатитына қарсы вакцина Бірыңғай дистрибьютордың жүйесі арқылы сатып алынды», - делінген сейсенбіде денсаулық сақтау министрлігінің хабарында.
Ведомствода атап өткендей, осы ауруларды емдеуге арналған препараттардың қолжетімділігі 2018 жылы алдыңғы жылдармен салыстырғанда 3,6 есеге артты.
«Вирустық гепатиттің емі үшін Бірыңғай дистрибьютор жыл сайын Пэгинтерферон альфа 2b және Рибавирин препарттарын сатып алады. 2018 жылы Тенофовир препараты вирустық гепатитті емдеу үшін сатып алынады және ЮНИСЕФ халықаралық ұйымымен жеткізілім туралы шарттың шеңберінде жеткізілетінін айта кетейік. Бұдан басқа, 2018 жылғы тегін дәрімен қамтамасыз ету тізіміне C вирусты гепатитін емдеудің заманауи хаттамаларына сәйкес Софосбувир және Даклатасвир жаңа атаулары енгізілді. Осы дәрілерді жеткізуді БҰҰ Даму бағдарламасы арқылы жүзеге асыру жоспарланып отыр», - деді ҚР ДМ-нен.
Бұл дәрі-дәрмектерді, денсаулық сайқтау министрлігінің айтуынша, БҰҰ дамыту бағдарламасы арқылы жеткізу жоспарлануда.
«Сондай-ақ биылғы жылы созылмалы гепатит B вирустық инфекциясының алдын алу үшін және оның ауыр зардаптары, соның ішінде бауыр циррозы және гепатоклеткалы ракқа 445 400 доза вакцина сатып алынды. Балаларды ерте жастан В вирустық гепатитке қарсы вакцинациялау ұлттық егу күнтізбесіне енгізілді», - делінген хабарда.
Еске салсақ, ШҚО Үржар ауданы Шолпан ауылында 2017 жылы және 2018 жылдың өткен кезеңінде орта мектеп оқушылары арасында 12 ауыру жағдайы тіркелген, олардың ішінде 11 оқушы мен 1 үйде отырған бала бар. Стационарда ем алап жатқан 49 науқастың 12-сінде А вирусты гепатит диагнозы бар. Қалған 37-сінде бауыры, өт жолдары және басқа аурулар анықталған. 18 қаңтарда денсаулық минимтрлігінен Шығыс Қазақстан облысы Үржар ауданындағы Шолпан ауылында А гепатитінің таралуы бойынша жағдай бақылауда екені хабарланды.