Ақтөбе облысында 52 адам қайтыс болғанына байланысты барлық автобустар тексеріледі, деп хабарлайды ҚР Инвестициялар және даму министрлігінің баспасөз қызметі.
Ведомство сайтында дүйсенбі күні жарияланған хабарда айтылғандай, 18 қаңтар күні болған Ақтөбе облысындағы апатқа байланысты ҚР ИДМ Көлік комитетінің инспекция қызметкерлері мен ҚР ІІМ қызметкерлері бірлесіп бүкіл Қазақстан бойынша «Автобус» жедел-профилактикалық шарасын өткізеді. 22 қаңтар мен 18 ақпан аралығында өтетін жедел-профилактикалық шара аясында ауданаралық, қалааралық, облысаралық және халықаралық қатынаста жолаушыларды және багажды тасымалдайтын көліктер мен жүргізушілер тексерілетін болады.
Жолаушыларды тасымалдайтын автобустардың және таксилердің техникалық ақауы болса және қауіпсіздік талаптары сақталмаған жағдайда, көлікті одан әрі пайдалануға тыйым салатын шаралар қабылданады.
Бұдан бөлек, жасырын маршруттарды анықтау үшін көліктік бақылау инспекциясының қызметкерлері мен қоғам өкілдерінен тұратын мобильдік топтар құру туралы шешім қабылданды.
Рейс алдында автомобильдің міндетті техникалық және жүргізушінің медициналық байқаудан өтуіне, жүргізушілердің еңбек және демалыс режимін сақтауларына баса назар аударылады.
Республикамыздың автомобиль жолдарындағы жолаушылар мен багаж тасымалдау мәселелері бойынша «Рубеж» қарау-бақылау бекеттерінде бақылауды күшейту жөнінде қосымша шаралар қабылданады.
Еске салайық, жолаушылар автобусы 18 қаңтарда Самара-Шымкент бағыты бойынша қозғалыс кезінде 1068 шақырымда өртенді. Салонда 55 жолаушы мен 2 жүргізуші болды. Бес жолаушы автобустан секіріп кетті, ал қалғандары қаза тапты. Өрт салдарынан жедел жәрдем медицина орталығының қызметкерлері, Ырғыз ауданының өрт сөндіру бөлімшелері дереу жіберілді.
Төтенше жағдайлардың алдын-алу қызметтерінің ақпаратына сәйкес, салонның жалынынан шыққан 5 жолаушы барлық қажетті медициналық көмекпен қамтамасыз етілді.
Төтенше жағдайлар департаментінде облыс әкімінің басшылығымен жедел штаб құрылды, сонымен қатар Қазақстан мен Өзбекстанда психологиялық қызметтің «жедел желілері» орналастырылды.
Бұрын хабарланғандай, бес адамның жағдайы тұрақты болды. 2 жолаушы I-II дәрежесінде күйіп кетті, ал қалған 3-і шок күйінде болды.
Оқиғаны тексеру үшін Қазақстанда үкіметтік комиссия құрылды. Қылмыстық іс қозғалды. Өрттің алдын-ала себебі – өртке сақтықпен қарамау. Жәбірленушілердің хабарлауынша, автобуста бензині бар канисра болған және олар салынды дәнекерлеуші шаммен (паяльная лампа) жылытуға тырысқан.
ҚР Инвестициялар және даму министрлігі таратқан ақпаратқа сәйкес, KassbohrerSetra X335RSM маркалы автобус жоспардан тыс жолаушылар тасымалы үшін лицензия алмады және тұрақты маршруттар тізімінде жоқ. Бұдан басқа, көлік 2 жыл бұрын тексеруден өткізілді, ол Шымкентте өтті және оның күші 17 тамыздан бастап 2016 жылғы 17 ақпанға дейін болыпты.
Сонымен қатар, 20 қаңтарда Ақтөбе облысының басшылығы тұрақты маршруттарға қызмет көрсететін автобус паркін тексеруді тапсырды.
