Андрей Ташлыков сыбайластарымен бірге мемлекеттің 49 млн теңғесін жымқырған
Атырауда қалалық мәслихаттың депутаты әрі қаланы сумен қамтып отырған «Атырау су арнасы» мемлекеттік мекемесінің экс-басшысы Андрей Ташлыковқа қатысты сот басталды.
Айыпталушылар қатарында Ташлыковтан бөлек мекеменің бас есепшісі мен бөлім бастығы да бар, деп жазады Stan.kz КТК арнасына cілтеп.
Бұл үшеуіне Қылмыстық кодекстің «сеніп тапсырылған мүлікті иелену немесе талан-таражға салу» және «қызметтік өкілеттілігін асыра пайдалану» баптары бойынша айып тағылған.
Андрей Ташлыков 2016-17 жылдары қаладағы су құбырларында апат болды деп жалған құжат жасаған. Ал оны жөндеуге қажетті түрлі қосалқы заттарды алғызу үшін өз жоспарына бас есепші Гүлмира ОЖЫРАЕВАНЫ тартқан. Ол өз кезегінде жалған құжат арқылы мүлде жоқ жабдықты үн-түнсіз «жеткізіп» беретін тасымалдаушыны табумен айналысқан. Тіпті оның есепшотына қажетті қаржыны аударып, кейін өздері ақшаны алып отырған. Нәтижесінде, мемлекеттің 49 миллион теңгеге жуық қаражатын ұрлаған.
Дереккөз: Stan.kz.
Фото: Stan.kz.
