62 құрылысшы заңсыз жұмыстан қысқарып қалғаны үшін Бас прокуратураға шағымданды
«Әбу-Даби Плаза» құрылыс жұмыс жасаған 62 адам Бас прокуратураға шағым түсірді. Мердігер компанияда еңбек еткен олар өздерін жұмыстан заңсыз шығарды деп есептейді. Құрылысшылардың арызына қатысты ақпаратты Еңбек, әлеуметтік қорғау және көші-қон Комитетінің Төраға орынбасары Төлеген ОСПАНҚҰЛОВ таратты.
- Кешеден бастап осы арызға байланысты Астананың мемлекеттік еңбек инспекциясы төрт бірдей компанияда тексеріс жұмыстарын жүргізіп жатыр. Тексерістің нәтижесінде қанша адамның жұмыстан қысқартылғаны және қаншалықты заңға сәйкестігі анықталады, - деді ол.
Естеріңізге сала кетейік, құрылысшылар 400 аса адамның қысқартылғанын хабарлаған. Оның жартысы арызды өз еркімен жазған.
Еңбек және халықты әлеуметтік қорғау министрлігі құрылысшыларды міндеттелген жұмыс аяқталған соң қызмет орнынан босатты дегенді алға тартады. Төлеген Оспанқұловтың айтуынша, оларға Еңбек кодексіне сәйкес материалдық көмек төленбейді.
- Қазіргі жағдайды ескере отырып бұл төрт компанияға жұмыс берушілер жұмысшы жұмысынан айырылып қалса, төлем бойынша әлеуметтік жауапкершілік алған болатын. Бұл сома мөлшері 50 мың теңгеден аз емес. Қаншалықты жоғары екені компаниялардың жағдайына байланысты, - деді Төлеген Оспанқұлов.
Бұған дейін Еңбек және халықты әлеуметтік қорғау бұрыңғы министрі Тамара ДҮЙСЕНОВА өтемақы орташа айлық мөлшерінде төленетінін айтқан еді.
