Қазақстандық дизайнер танымал тележүргізушіні қоқан-лоққы көрсетті деп айыптады
Жас дизайнер Фариза СҰЛТАН өзінің Instagram парақшасында Динара Сәтжанның өзіне жазған пікірін жариялады.
Фаризаның айтуынша, сән әлемінде жүрген Динара оған бір кездері көмектескен. Алайда айтқанын орындамаған соң, қоқан-лоққы көрсете бастаған, деп жазады Stan.kz.
Онда Сәтжан: “Фариза, сен үшін өзгелер тігіп беретін кардигандарыңды танымал еткенім үшін рақмет айтсаңшы. Қазір олар қайда? Сатыла ма өзі? Әрине, ренішіңді түсінемін, Әйгерім сенің жеке кураторың. Қыздар, жеке бас мәселесін жұмыспен араластырмаңдар. Тек өзгені қызғанбай, алға ұмтылыңдар. Танымал болмасаңдар, оған біз кінәлі емеспіз”, – деп жазған.
Аталған жазбаны жас сәнгер былай деп түсіндірді.
“Мұны біраз уақыттан бері елден жасырып келдім. Бұдан былай үндемей қалмаймын. Бұл әйел бір кездері менің тауарымды жарнамалауға көмектескен. Алайда өз пайдасын ойлағандықтан әрі тегін жасаған жоқ. Өз құқығымды қорғап, оның қатаң талаптарын орындаудан бас тартқан кезде мені қорлап, қоқан-лоққы көрсетті. Мен тәуелсіз елде тұрамын, өзіме және жеке бизнесіме жасалатын қысымды көтермеймін. Бұған ешкімнің де құқы жоқ деп ойлаймын. Әлде рэкеттер дәуірінде өмір сүріп жатырмыз ба?”, – дейді ол.
Фото: Stan.kz.
