Қайын атаң жер комиссиясының басшысы болса жақсы ғой
Аудан әкімінің орынбасары Әлия МҰХАМЕДРАХЫМ(суретте) қайын атасы Бейбіт ЖҮСІПБАЕВ берген жер телімін заңдастырып алды. Шенеунік атасы жер комиссиясының басшысы.
Бұл оқиға Павлодар облысы Успенка елді мекенінде болған.
Ratel.kz бұл оқиға сотқа жетпей тұрғанда жазған болатын. Әкім орынбасарының отбасылық жағдайындағы беймәлім тұстары 2017 жылы шілде айында белгілі бола бастады. Прокурорлардың тексерісі кезінде қарапайым мектеп мұғалімі Әлия Мұхамедрахымның 10 жылға мемлекеттен құнарлы 500 гектар жер алғаны белгілі болған еді. Содан педагогтың ауылшаруашылығына деген «қызығушылығы» тергеле бастады.
Артынша 28-жастағы әйелдің қайын атасы Успенск ауданы әкімінің орынбасары екені анықталған. Жер комиссиясының төрағасы Бейбіт Жүсіпбаев өз келініне келгенде аянып қалмапты. Ең құнарлы, шұрайлы деген жер телімін бере салған.
Прокурорлық тексерістен кейін іс этика кеңесіне жөнелтілген. Алайда Жүсіпбаев өз орнында қала берген. Кеңес аздап «ұрысып» алған болу керек. Яғни қызмет бабына сәйкес сөгіс жариялаумен шектелген. Ал Успенск әкімдігі мұғалім жер иеленушінің иелігіндегі 500 гектар жерді қайтып алыпты.
Алайда шенеуніктің отбасы сотқа шағым түсірірген. Бейбіт Жүсіпбаев өзін жазықсыз жазалағанын айтып, екі ай соттасқан. Тәртіптік жазаға келіспеген ол келініне жер алу мәселесінде жәрдемдеспегенін алға тартты. Қысқасы, сот бұл шағымды қанағаттандырмады. Сот үкімі заңдық күшіне енді.
Сотқа шағымданған шенеунік келінінің шағымы ішінара қанағаттандырылған. Содан кейін барлық жерді өзіне қайтару үшін апеляциялық шағым түсірген. Бұған дейін айтқандай сот отырысы 26 желтоқсанға белгіленген болатын. Екінші инстанцияда Әлия Мұхамедрахым жеңіп, қайтадан 500 гектар жердің иеленушісіне айналып шыға келді.
- Отырыс өтті. Соттың шешімі өз күшінде қалдырылды. Жер келіннің иелігінде. Қазір мен кімді жазалауым керек? Сонымен қатар, қадрлық проблемалар бар. Аппарат жетекшісі, заңгер жұмыстан кетті. Бұрын жол берілген коррупциялық заң бұзушылыққа жауап бергілері келмейді. Иә, жер келіннің иелігінде қалады, - деп растады Успенск аудан әкімі Сергей САЛАМАЦКИЙ (суретте) Ratel.kz тілшісіне.
Ал Бейбіт Жүсіпбаевқа келетін болсақ. Ол тәртіптік жазаның күшін сот арқылы жоя алмасада ара-тұра болса да қызметін атқарып жатыр екен.
- Тамыз айында тоқсан аяқталғанда ол ауруханаға түсіп статистикаөткізілмей қалған еді. Содан сөгіс алған едім. Өз басшылығымның алдында ақталып жатпаймын ғой. Ауылшаруашылық саласындағы көрсеткішіміз төмендеп кеткен еді. Бұл саланы орынбасарым (Бейбіт Жүсіпбаев) қадағалайды. Соданк ейін жұмысқа шыққан еді. Артынша араға көп уақыт салмай қайтадан қараламын деп кетті. Остеохондроз, өзімді жайсыз сезіне бар деп денсаулығына шағымданған. Ақсаңдап жүретін де болды. Үш айдан бері жұмыста жоқ. Жұмысында олқылық болғанымен оған қалай шара қолданамын. Ол емделіп жүр. 26 желтоқсан күні жұмысқа шығу керек еді, әлі жоқ, - дейді Сергей Саламацкий.
Әкім орынбасары қашан жұмысқа нақты шығатынын аудандық әкімдікте білмейді.
