Бұрынғы экономика министрі Қуандық Бишімбаевтың ісінде тың өзгерістер болып жатыр
Сот төрағасы өзге төрт айыпталушыға қатысты бөлек үкім шығаратынын мәлімдеді, деп хабарлайды Baq.kz ақпарат агенттігі Tengrinews.kz сайтына сілтеме жасап.
22 қаңтар күні төрт айыпталушы кінәсін мойындап, процессуалдық келісімге келу туралы өтініш білдірген.
«Сот Дәурен Ибрашев, Азиз Акрамов, Одылжан Акрамов, Жақсылық Исабек және Арман Комаровқа қатысты қылмыстық істегі материалдарды жеке өндіріске беру туралы шешім қабылдады. Аталған шешімге сай төрт айыпталушымен процессуалдық келісімдер жасалмақ», - деп мәлімдеді судья Әділхан Шайхисламов.
Айыпталушы Дәурен Ибрашев Orda Glass ЖШС төрағасының орынбасары. Ал Одылжан Акрамов Тараздағы жекеменшік нотариусте жұмыс істеген. Оған ҚР ҚК 2-бөлім 368-бап бойынша айып тағылған.
Жақсылық Исабек – «Құрылыс металлоконструктор зауыты» ЖШС бас директоры. Оған ҚР ҚК 2-пункт, 4-бөлім, 189-бап бойынша айып тағылған-ды. Тағы бір фигурант Арман Комаров ProjectCityGroup ЖШС жетекшілерінің бірі. ҚР ҚК 1-бөлім 368-бап бойынша айыпталған.
Айта кетейік, 31 қазан күні Астанада бұрынғы ұлттық экономика министрі Қуандық Бишімбаев және аталған іске қатысы бар деп күдікке ілінген 22 азаматқа қатысты алдын ала сот тергеуі басталды. Бұрынғы министрге Қылмыстық кодекстің «Пара алу» - 366-бабы, 4-тармағына, сондай-ақ «Сенiп тапсырылған бөтен мүлiктi иемденiп алу немесе талан-таражға салу» - 189-баптың 4-бөлімі, 2-тармағына сәйкес айып тағылып отыр.
Осыған дейін Қуандық Бишімбаевтың адвокаттары Сейіт Рахманов пен Мәди Мырзағараев экс-министрге тағылып отырған айыптардың негізсіз екенін айтқан. Қорғаушылар тіпті Бишімбаев ісіндегі өрескел бұрмалаушылықтарды атап көрсеткен еді.Олардың айтуынша, Қуандық Бишімбаев соттың әділ өтетініне сенеді. Бұдан кейін сот Бишімбаевты қылмыстық жауапкершіліктен босатудан бас тартты. Мұнымен қатар, Бишімбаев Елбасыдан кешірім сұрады.
Дереккөз: baq.kz.
Фото: baq.kz.
