Ол шешесінің үстінен қылмыстық іс қозғалғалы бері Лондонда тұрып келе жатыр
25-жастағы Ислам КӘРІМОВ Ұлыбритания үкіметінен саяси баспана сұрады. Бұл туралы «Би-би-си» телекомпаниясының өзбек қызметіне сілтеме жасап Lenta.ru сайты хабарлады. Британиялық телеарна Өзбекстанның бұрыңғы президенті немересінің адвокатынан сұхбат алған. Адвокаттың айтуынша, кіші Ислам Кәрімов Ұлыбритания билігіне өтінішін былтырғы жылдың желтоқсан айында білдірген.
Ал Исламның өзі анасы Гүлнар КӘРІМОВАНЫҢ өмірінде маңызды өзгеріс болғанын айтады.
«Әзірге құпия ретінде сақталып отыр. Алайда, маған жеткен ақпарат бойынша ол жуық арады белгілі болады. Бұл тіпті ақылға қонбайтын дүние. Ақыл есі дұрыс адамға мұндайды елестетудің өзі мүмкін емес», — депті жас Кәрімов.
«Би-би-си»-дің хабарлауынша, адвокат экс-президенттің немересіне АҚШ-нан баспана сұрайды ұсыныпты. Алайда, жас жігіттің таңдауы Ұлыбританияға түскен. Ислам Абдуғаниұлының үлкен немересі Өзбекстанда шешесінің үстінен қылмыстық іс қозғалғаннан бері Лонданда тұрып келе жатыр.
Бас прокуратура бұрыңғы өзбек басшысының қызына "алаяқтық", "шетелдік валютаны жасыру", "кеден заңын бұзу" және "қылмыстық жолмен алынған табыстарын заңдастыру" баптары бойынша айыпталған болатын.
Ресми ақпаратқа сүйенсек, Гүлнар Исламқызы мемлекетке 2 млрд долларға жуық зиян келтірген.
2017 жылдың тамыз айында кіші Кәрімов мемлекеттің жаңа басшылығын әшкерелейтін мәліметтер жариялайтынын мәлімдеген еді. Оның пікірінше, анасының үстінен қозғалған қылмыстық іс қолдан ұйымдастырылған.
Марқұм Ислам Кәрімов 1991 жылы Өзбекстан президенті болған еді. 2016 жылы 27 тамызда миына қан кетіп ауруханаға түсіп, 2 қыркүйек күні дүниеден озды. Сол кезде президентке қатысты қарама-қайшы түрлі ақпарттар тараған. БАҚ-ның өкілдері өзбек билігінен президент жағдайын халықтан жасырмай айтуды сұраған еді.
