Соңғы төрт жылда Сириядағы соғысқа аймақтан 92 адам аттанған
Сирия мен Ирактағы соғысқа Атырау облысынан 48 бала кеткен. Оларды өздерімен бірге ата-аналары алып кеткен екен. Бұндай ақпарат ҚР ҰҚК-ті Ratel.kz cайтының журналисттік сауалының ресми жауабында айтылды. 2014 жылы 25 атыраулық «ерікті» Шамға аттанса, 2015 жылы 16 адам кеткен. 2016 жылы болса Атырау қаласының үш тұрғыны Араб мағрипатындағы майданға кетіп қалған. Барлығын қосқанда 44 адам.
Былтырғы жылы бұндай фактілер мүлдем тіркелмепті. Алайда, бұл Сирияға соғысқа кетушілер тыйылды деген сөз емес. Сирия мен Иракқа кеткен 44 адамның 20-сы - әйел. Олар өздерімен бірге 48 баланы алып кеткен. Бұл тек Атырау облысы бойынша ғана.
ҰҚК-нің ресми жауабында бұлардың барлығы Сирия мен Ирактағы соғысқа кеткен. Атыраулықтар арасында тек Шамдағы соғысқа ғана емес, Украинаның шығысындағы майданға кеткендер де бар. Мәселен, 2015 жылы бірнеше ай сепаратист сапында болып келген Александр УРАШЕВ 3-жылға сотталған еді.
2016 жылы Сириядан Атырауға бір әйел бес баласымен оралған. Өткен жылы тағы бір әйел кәмелет жасқа толмаған үш баласымен қайтып келді. Алайда, олар ешқандай да жауапкершілікке тартылған жоқ. Бұдан басқа отандастарымыз Сириядан келмеді. Жуырда ғана Сирия мен Иракта 390 кәмелетке толмаған қазақстандық балалардың бар екені хабарланған.
Естеріңізге сала кетейік, былтырғы жылы Ауғанстанда жергілікті күштік құрылым өкілдері Атыраудың 28 жастағы тумасы Дамир ЗНАЛИЕВТЫ ұстаған болатын.
«Біз айтқан адамдардан басқа ҰҚК-ті мен шетелдік серіктестеріміздің бағыттамасы бойынша шетелдерден тағы да екі атыраулық депортанцияланды»,- деп хабарлады ҰҚК.
Алайда, олардың кім екені және не үшін ұсталғаны айтылмаған. Сонымен қатар, соңғы төрт жыл ішінде терроризмді насихаттап, өз қатарларына тартқандары үшін 30 адам Атырау облысында сотталған.
