Бейбітшілік шағын ауданының оқушылары он жылдан бері мектепке күніне сегіз шақырым жаяу жүріп барады
Көкшетау қаласының іргесіндегі Бейбітшілік шағын ауданы өркениеттен жырақта өмір сүріп жатқандай. Бұл жерге қоғамдық көлік қатынамайды. Мектеп, бала бақша жоқ. 100-ге жуық оқушы көрші аудандағы мектепке күніне ары-бері 8 шақырым жаяу жүріп қатынайды екен. Жаяу жүру түк емес, балалар білім алу үшін тау-қыраттарды асып өтуге тура келеді екен.
- Әсіресе қыстың күні қиын. Қараңғыда шығамыз. Қорқынышты. Күнде суық. Ініммен бірге барамыз. Інімді аяймын. Жолға 40 минуттай уақыт кетеді. Бізге автобус керек, - дейді мектеп оқушысы Темірлан ҚҰМАРБЕК.
Бейбітшілік шағын ауданы Көкшетау маңында 10 жыл бұрын пайда болған. Көбі ауылдан келген ауданда 700-ге жуық отбасы тұрады. Содан бері жол проблемасы шешілмей келеді. Бұл жайлы республикалық БАҚ-ры кезектесіп айтып келе жатыр деседе болады. Сондықтан да облыста, қала әкімдігі де Бейбітшіліктегі жұрттың жағдайынан хабардар. Жергілікті шенеуніктер қоғамдық көліктің қатынамайтындығын асфальт жолдың жоқтығымен түсіндіреді.
- Мектеп пен балабақшаның құрлысын жоспарлап отырмыз. Осы нысандар салынса, Бейбітшілік өзінің инфроқұрлымы бар толыққанды шағын ауданға айналады. Сол кезде жол салынып, міндетті түрде қоғамдық көліктер қатынайтын болады, - дейді Көкшетау қаласының бас сәулетшісі Илуа ӘБЕНОВ.
Илуа Әбенов айтқан құрлыс жұмыстары биылғы жылдың көктемінде басталады екен. Ал оның аяқталуы мерзімін айтқан жоқ. Яғни, Бейбітшілікке қоғамдық көліктің қашан қатынайтыны тағы да белгісіз болып тұр.
