Солтүстік Қазақстан облысында медициналық туризмді дамыту аясында екі балшықты су емханасы салынады, деп хабарлады кәсіпкерлік және туризм басқармасының басшысы Құралай Жарова.
«Балшықпен емдеу емханаларын Айыртау ауданындағы «Шалқар Су» санаториясының негізінде және Мамлют ауданындағы Меңкесер көлінде салу жоспарлануда», - деді ол басқарма коллегиясында сейсенбіде.
Қ. Жарованың айтуынша, СҚО-да 2023 жылға дейін Қазақстанның туристік саласын дамыту тұжырымдамасы аясында, атап айтқанда, Айыртау ауданы «Табиғат бірлігі мен көшпенді мәдениет» кластеріне енгізілді.
Бұдан басқа, ол хабарлағандай, негізгі 4 әдістемелік тәсіл жасақталды, оның ішінде жаңа туристік өнімдерді құру бар. Олардың қатарында медициналық туризм нысандары бар.
«Медициналық туризм – бұл «Солнечное ВИП» демалу аймағында пантоемдеуді одан ары дамыту, «Шалқар Су» санаториясының негізінде және Мамлют ауданындағы Меңкесер өзенінде балшықты су емханасын салу. Айта кетейік, оның суының құрамы Қорған облысындағы Медвежье өзенінің, Өлі теңіздің, Муялдының құрамына ұқсас болып келеді. Жазғы мезгілде мұнда күніне 500 адам демалады», - деп түсіндірді Қ.Жарова.
Бұдан басқа, ол атап өткендей, аңшылық пен балық аулау туризмі де назарға алынды.
«Аңшылық туризмінің инфрақұрылымы аталмыш аумақта экологиялық туризмнің дамуына септігін тигізеді, ал балық аулау туризмі өңірдегі көптеген өзен көлдердің баршылығымен негізделеді. Осы ретте, Айыртау, Есіл, Мамлют пен М. Жұмабаев аудандарында аңшылар мен балықшылар үйін салу керек, себебі, туризмнің бұл түріне шетілдіктерде көптеп қызығады», - деді басқарма басшысы.
