Данарды ешкім де алып қашқан жоқ дейді туыстары
Өткен аптада атыраулық жігіт алып қашқан ақтөбелік қыздың өлімі әлеуметтік желіде қызу талқыланған. Ақтөбе облысы, Тереңсай ауылының тумасы Данар ҚАЙЫП кенеттен дүние салған болатын.
Кеше 14 қараша күні марқұмның жездесі болған жайға қатысты сұхбат берді.
Бұл қаза жайлы алғаш болып ғаламторда Талғат ӘБДІРАМАНОВ жазған болатын. Ол өзін Данардың туысқанымын деп таныстырған.
- «Біздің қарындасымыз бірер күн бұрын көз жұмды. Әлі күнге дейін неден қайтыс болғанын білмейміз.Бар жоғы:қыздарың қайтыс болды, денесін алып кетіңдер, - деген хабарлама келді. Екі ағамыз бірден Атырауға жол тартты», - деп жазды Талғат ӘБДІРАМАНОВ.
Әлеуметтік желідегілер болған жайға қатысты түрлі болжамдар жасады. Содан кейін қыздың туыстары БАҚ-на сұхбат беруді жөн санапты.
Марқұмның жездесі Алтайдың (тегін жазбауды сұрады) айтуынша, Данарды ешкімде алып қашпаған.
- Алып қашу туралы әңгіме шындыққа жанаспайды. Ол өз еркімен тұрмысқа шықты, - деді марқұмның туысқаны.
Данардың күйеу жігіті 30 жастағы Біржан есімді азамат екен. Ол бұған дейін бір рет некелесіпті. Ажырасып кеткен бұрыңғы әйелінің қолындағы баласына алиментін төлеп жүрген. Данар Ақтөбедегі ауылшаруашылық коледжінде оқыған. Өлерінен бірер күн бұрын болашақ жарының үйіне барған. Өзіне қол жұмсайтын күні үйді жуып-шайып шыққан. Содан кейін «Мені кешіріңдерші» деп барлық жақын туыстарына телефон арқылы хабарлама жіберген.
Сол күні Біржан вахтада болған. Хабарлама алысымен Данраға қоңырау соққанымен қыз телефон тұтқасын көтермеген. Дәл сол кезде жігіттің ата-анасы да үйде болмапты. Үйге келгенде асылып тұрған қызды көрген.
- Данар Атырауға қоныс аударғанда ата-анасымен сөйлескен. Мен де бәрі жақсы деп айтыпты. Көңілін алаңдатқан, мазалаған ешнәрсе болмаған, - дейді Алтай.
Сондай-ақ, сұхбат беруші қыздың отбасы жігіттің жанұясына қояр ешбір талабы жоқтығында айтып өтті.
Десе де, Атырау облыстық ІІД-нің баспасөз қызметі бұл іске қатысты ҚР ҚК 105 бабы бойынша сотқа дейінгі тергеу амалдары жүріп жатқанын мәлімдеген.
Фото: Aif.md
