Өлімге кінәлі адамдарды табудың орнына ақша ұсынғандар болды
Қарағандыда жаңа жыл қарсаңында қайтыс болған үш жасар Айзере ҚАҚАРМАНОВАНЫҢ өлімі қала халқын бейжай қалдырмады. Бүгін қаладағы жұқпалы аурухананың зардабын тартқан бірнеше қарағандылық облыстық прокуратураның алдына жиналып, өз наразылықтарын білдірді.
«Мен Диананың(Айзера Қақарманованың анасы) жағдайын жақсы түсінемін. Себебі, дәл сол жағдайға мен түстім. Баламның іші аурып, үлкен дәреті сұйылтып кетті. Аталған емге араша түскен дәргерлердің салдарынан, балам реанимациядан бірақ шықты. Катетерді дұрыс салмағандықтан, сұйықтық барлық денеге тарап кеткен. Кейін ол басқа да шапқан», - дейді Нина ТАУБЕ.
Бұл Нина Таубенің басынан екі жыл бұрын өткен оқиға. Баласы жан сақтау бөліміне түскен соң қолхат беріп аруханадан шығып кетіпті. Егер ауруханада қала берсем Динанадай қара жамылып қалар ма едім дейді ол.
Нинаның сөзін Гүлзат СЕЙІТОВА, Рита ЖАҚЫПБАЕВА сынды қала тұрғындары да растайды. Олардың айтуынша, дәрігерлер өз ісіне салғырт қарайды. Тіпті, тамақты малға әкелгендей шелекпен беріп, науқастардың диагнозы анықталмайды екен. 1,5 жыл бұрын бұл ауруханаға баласымен жатқан Гүлзат Сейітова перзентіне жалынып жүріп ем-дом жасатыпты.
«Онда дәрігерлер қарамайды. Мен балама система салып беріңізші деп жалынып жүріп, әйтеуір салдырттым. Оның өзі «менің система салғанымды ешкімге айтпа» деген ұсыныспен. Менің балам ол кезде бес айлық болатын. Санитар қызметкерлерін мүлдем сөзім жоқ. Бала құсып қойса, өзіңне еден «тряпкасын» лақтырады. Аурухана лас, дизинфекция мен жатқан күндерде жүргізілген жоқ», - дейді Гүлзат СЕЙІТОВА.
Естеріңізге сала кетейік, Айзере Қақарманова жаңа жыл қарсаңында көз жұмған. Бала 23 желтоқсан күні жөтеліп медициналық көмекке жүгінген. 28-ші желтоқсанда ауруханадан шықпақ болғанда құсып, қызуы көтерілген. Дәрігерлер үш жасар қыз ішек инфекциясына ұшырап, энтероколит ауруынан жүріп кетті деп қортынды шығарған болатын. Қарағанды облыстық денсаулық сақтау басқарма басшысы орынбасары Гүлбану МАМАЛИЕВА бұл жағдайға дәрігерлер кінәлі емес деген болатын.
Айзеренің ата-анасы «Нұр Отан» партиясына да шағымданған. Облыстық денсаулық сақтау басқармасы қаралы отбасыға қаржылай көмек ұсыныпты.
«Кеше маған қаржылық көмек ұсынды. Жерлеу рәсімдерін көтерейік деген әңгімелер де болды. Бірақ маған әлемнің ақшасын табанымның астына тастаса да, мен оны алмаймын. Маған олардан бір тиын да керек емес. Салғырттық үшін әр дәрігер тиісті жазасын тартсын», - дейді Диана ҚАҚАРМАНОВА.
Қазыбек би аудандық прокуратурасының мәліметінше, 357 бап бойынша қылмыстық іс қоғалып, тергеу басталып кетті. Қарағанды қаласындағы кішкентай Айзеренің өлімі қазір қоғамдық резонанс тудырып отыр. Бұл істі өңірге іс сапармен келген мәжіліс депутаты Гүлнар БИЖАНОВА да өз бақылауына алғанын мәлімдеді.
