Нәтижесінде қаржы мекемесі бір миллиардтан аса ақшасынан айрылған
Бейсенбі күні, 8-ші ақпанада Өскеменнің № 2 сотында «Қазақстан Халық Банкі» АҚ-ның бұрыңғы бөлім басшысына қатысты үкім шықты. Ол сот орындаушысына банкінің құпиясын жариялап, қаржы мекемесіне 1 326 457 652 теңге көлемінде шығын келтірген.
Үкім оқылған кезде айыпталушы журналисттер аты-жөнімді жарияламасын деп қарсылық тантты. Үкім заңдық күшіне енгенше судья күдіктінің тілегін мақұлдады.
Тергеу материалдарына сүйенсек, 2017 жылы Өскемен қаласындағы «Халық Банкінің» филиал басшысына таныс жеке сот орындаушысы банк клиенттерінің бұғатталған есеп шоттары туралы ақпарат беруін сұрайды.
Ол шоттар ұзақ уақыт пайдаланылмаған. Д.Ш келісім беріп, сот орындаушысына Мемлекеттік кірістер департаменті, экономикалық тергеу қызметі бұғаттаған шоттар туралы мәліметтерді береді. Ол жерде 3 992 107 доллар болған теңгеге ауыстырғанда 1 326 457 652 теңгені құрайды.
«Д.Ш., есеп шот иелерінің келісімінсіз мәлімет бергені қылмыстық әрекет болып табылады. Нәтижесінде «Қазақстан Халық Банкі» АҚ 1 326 457 652 теңге көлемінде зиян шекті», - делінген сот материалында.
Қалайша екінші дәрежелі банкке зиян тигені туралы басқа сот процессінде анықталып жатыр.Ол жерде жеке сот айыптаушысы күдікті ретінде тартылып отыр. Тергеу барысында банкир әйел кінәсін толық мойындады. Және өз «қызметі» үшін ақша алмағанын айтты.
Сотта жәбірленуші жақтың өкілі өздеріне екі шотты бұғататудан алып тастау туралы және ондағы қаражаттың басқа шотқа ауыстыру хақында инкассалық тапсырма мен түрлі құжаттардың жеке сот орындаушысынан түскендігін айтып берді. Артынша тергеушіден банкке жалған құжаттар жіберілгені туралы ақпарат келіп жетті. Осыдан кейін қаржы мекемесінің қызметкерлері сот орындаушысы бұндай құпия мәліметтерді қайдан алғандығын анықтап, филиал басшысын жұмыстан шығарып жібереді.
Істі толық қарап шыққан судья Маргарита КИСЛОВА үкімді оқыды.
«Д.Ш.ҚК-тің 223 бабының 2-ші бөлімі бойынша кінәлі деп тауып, екі жылға бас бостандығына шектеу қойылады. 44 бабтың 1-ші бөліміне сәйкес жылына 240 сағат мәбжүрлі түрде жұмысқа тартылады. Егер бұл жазадан жалтарса үкім өзгеріп, екі жылға түзету мекемесіне сотталады».
