Ақтөбе соты білім ордасына орамалмен балаларын кіргізуді талап еткендердің арызын қанағаттандырмады
Мектепке хиджаб кигені үшін мұғалімдер оқуға кіргізбей қойған оқушылардың конституциялық құқықтары бұзылған жоқ. Бұл соттың үкімі.
Жыл басынан бері Ақтөбе облысында хиджаб киген қыз балаларды мектептер қабылдамай қойды. Педагогтар Білім және ғылым министрінің 2016 жылдың 14 қаңтарында шыққан № 26 бұйрығына сәйкес осындай қадамға барған. Бұл құжатқа сәйкес бірыңғай мектер формасы қабылданған.
Бұйрықұтың 13 пункітінде, «мектеп формасында ешқандайда діни белгілер болмауы керек» делінген. Алайда, бұл бұйрық тіпті Ақтөбенің қиырдағы аудандарының өзінде дауға ұласты. Ата-аналардың бірі қызын орамалмен білім ордасына кіргізу үшін баласының шашын тақыр бас қылып сыпырып тастаған.
Сондай-ақ, наразы ата-аналар бұл мектеп әкімшілігі тарапынан діни дискриминация деп сотқа шағым түсірген. Осыған байланысты сот үкімі 2-ші ақпан күні шықты.
- Сот біздің талабымыздың дұрыстығын айтты. Яғни ата-аналар мен оқушылардың білім министрлігінің бұйрығына бағыну керектігін түсіндірді. Бұған қарсылық танытып мектептен балаларының құжаттарын алып алған кісілер бар. Жыл басынан бері 162 оқушы хиджабтарын шешті. Қазір 178 ақтөбелік оқушы орамалдан бас тартпай, білім алуды қойды. Олардың әке-шешесіне айыппұл салынатын болады. Айыппұл көлемі 5 пен 10 АЕК арасы. Хиджабқа қатысты 3 мектептің ұстінен шағым түсті. Оны сот қарап жатыр, - деді Ақтөбе облыстық білім басқармасының басшысы Ләззат ОРАЗБАЕВА.
Ләззат Оразбаеваның айтуынша, «хиджаб наразылығына» орай мұғалімдер мен қоғам қайраткерлері мектепке баласын жібермей жатқан ата-аналармен келіссөздер жүргізіп жатыр. Білім басқармасы басшысының сөзіне сенсек оларды райынан қайтару үшін екі ай уақыт кетеді екен.
