Желтоқсаншы Құрманғазы Рахметов Мұхтар Тайжанға жауап берді
Бауырым, мынау қай сасқаның? Үйректермен ісім аз. Сөйлейсің деп алып, қаша жөнелмей, сөз беріп, сол жерде сындыруға салмадың ба, жігіт болсаң? Жер-жерден келген желтоқсандықтарға неге сөз бермедің? Сонау Талдықорған, Шымкент, Алматының ауылдарынан өз қаржыларына келген желтоқсандықтарға не айтасың?
Желтоқсандықтарды сыйлай алмаған сендей белсендімен ісім аз. Менде достықта бар батыстан келген бірталай бауырларыммен кездесудің сәтінен де айырғаның қалай?
Жұма күні жұтып алды, жастарға не өнеге дегеніңе болайын...Төбелеске шақырды дегенің тіпті ұят екен. Қол жұмсауға тұрмайсың ғой? Мен сенен мұндайлық пасықтықты күтпеп едім. Кімнің кім екенін уақыт көрсете жатар. Тәуелсіздіктің қандай жолмен келгенін де дұрыс түсіне алмай жүрген жастардан екенсің.
Әйтпесе, өзің жақындап жүрген депутаттардың Жер Кодексіне енгізілген ҚР 17.11.15ж. № 408 - V Заңымен бұл бап 43-1 тармақшамен толықтырылып, ҚР 02.11.15 ж. №389-V Заңының 24 бабына енгізілген өзгертулер де 01.07. 2016 жылы күшіне енеді,- деген жолдары:Талғат Аян мен Макс Боқаевты бас бостандықтарынан айырып, басқа да жер үшін жанын шүберекке түйіп жүрген Айдын, Қайырлы сияқты жігіттердің басына бұлт боп үйірілгенін білмеуің мүмкін емес қой?!
Қалай дегенмен мынауың адамгершілікке жат қылық. «Антигептилде» бірге болған күндерімізбен, 90 жылдардың басында "Демократия үйінде" талай бас қосуларда бірге болған, сол үйде майшаммен қалған түндерімізде де болашақтан үміт үзбеген марқұм әкеңе деген сыйластығымыздың құрметіне, жан-жақтан жасалған қоңыраулар мен ұсақ-түйек термек болған журналистерге еш ауыз ашпай қалдырған едім.
Сөйтсем, бірталайлары басып үлгергенге ұқсайды. Мысыққа ойын, тышқанға өлім дегендей, ертең, Мәжілістің 2-ші қарауындағы Жер Кодексіне енгізілмекші толықтырулар мен өзгерістер баршамызды алаңдатады. Өзің жар салған "вотсаптан" келген арандатушылар деген сөзге іліктіріп жібермесең болғаны. Бірден айтайын, желінің "Фейсбугінде" ғана отырамын. Маған телефонмен қоңырау салғаның да жеткілікті. Кімнің бұрыс, кімнің дұрыс жасағанын уақыт өзі көрсетеді. Тек Еліміз, Жеріміз аман, жұртымыз тыныш болсын! Бір Тәңірден тілерім де осы.
Сол үшін де бетіміз әрқашанда ашық болсын, желідегі достарым!
Дереккөз: Құрманғазы РАХМЕТОВТІҢ Facebook-тағы жеке парақшасынан алынды. Автордың рұқсатымен жарияланды.
