Жігітінің жыныс мүшесін кескен әйел 2-айға қамалып, ҚК-тің 106 бабы бойынша қылмыстық іс қозғалды
Астана қаласы, Есіл ауданы №2 сотының тергеу судьясы ДҮЙСЕМБИЕВ.К.К 24-ші қаңтар күні 1981 жылы туған Жанна НҰРЖАНОВАНЫ екі айға қамау туралы қаулы шығарды. Сотқа мемлекеттік айыптаушы ЖҮСІПБЕКОВ. А.М және күдіктімен оның адвокаты ҚОРҒАНБЕКОВ. А.М қатысқан.
21-ші қаңтар күні Жанна Нұржанова өзінің үйінде жігіті СУЛЕЙМАНОВ.Р.Р-ның телефонын қарап отырып, сүйіктісінің әпкесімен арадағы хатын оқып қояды. Ол жерде Сулейманов әпкесі Заринаға Карина деген қызды мақтап жазғанын көзі шалады. Және басқа да қыздардың фотоларын көреді. Артынша жігітті жыныстық қатынасқа түсу үшін төсекке тартып, аяқ-қолын шарфымен байлап тастаған. Бірінші ұйықтататын дәрі беріп түнгі 02:00-де алюминь шыбықпен кеудесінен, бетінен, басынан ұрады. Карина есімді қызға қатты қызғанған Жанна Нұржанова «Ледокаинның» үш ампуласын жігіттің екі бұтының арасына салып, жыныс мүшесін кескілеген. Сосын кескен жерін тігеді. Сулейманов қаңсырай бастағасын 37 жастағы әйел «Хюндай» авто көлігімен Астанадағы №2 ауруханаға апарады. Сол жерде күдіктіні полиция ұстаған.
Дәрігерлердің айтуларынша, жігіттің екі жұмыртқасы кесіп алынып тасталған.
Соттың мәліметінше Нұржанова Жанна Әлімханқызы Қарағанды облысының тумасы. Отбасын құрмаған. Кәмілетке толмаған екі баласы бар. Қазір күдіктінің үстінен ҚР Қылмыстық кодексінің 106 бабының 1-тармағы бойынша қылмыстық іс қозғалды.
Әлеуметтік желілер мен интернет басылымдарда күдіктінің фотолары да жариялана бастады. Әйелдің хиджап киіп түскен жеке куәлігі де ғаламторды шарлап кеткен.
Фото: sputnik-ossetia.ru, әлеуметтік желілер.
