Ата-ана пәтерінің суықтығынан осындай шараға баруға мәжбүр болған
Елордадағы Иманов - Брусиловский көшесіндегі үйді салушылар рұқсатсыз өз еркімен тұрғын үйдің жоғарғы қабатынан мансарды салған, деп хабарлайды «ҚазАқпарат» ХАА тілшісі.
Ол пәтерлердің біріне балалары бар отбасы қоныстаныпты. Алайда ол үй жылуға қосылмаған болып шыққан. Пәтердегі адам төзгісіз суықтың салдарынан ата-ана балаларын балалар үйіне өткізген. Бұл туралы Елорда Инфо ақпарат көзі тұрғын үй құрылысы бойынша ведомствоаралық комиссия отырысы кезінде аталмыш комиссия мүшесі Татьяна ЧУРСИНАНЫҢ айтқанын хабарлады.
Құрылыс жүргізушілердің өкілдері жаңадан салынған 19 пәтерде жылудың жоқтығын алға тартқан.
«Бір әйел үйінде адам төзгісіз суықтың салдарынан балаларын балалар үйіне өткізіп жіберген. Онда тұру мүмкін емес. Жағдай осы», - дейді комиссия мүшесі Татьяна Чурсина.
Қала әкімінің бірінші орынбасары Сергей ХОРОШУННЫҢ айтуынша, Иманов - Брусиловский көшесіндегі үй тұрғызушы бір жыл бұрын әкімдікке техникалық қабаттарды пәтер етіп өздігінен құрылыс жүргізу мәселесі бойынша шақырылған.
«Біз құрылыс салушы мен мердігерді осында шақырғанбыз. Мердігер ресми түрде шынында да, пәтерді қайта жоспарлап салуды көздегенін, бірақ бұзушылыққа жол бергенін түсіне отырып, ешқандай сатылым болмайтынын мәлімдеген. Нысанды аяқтап, заңбұзушылыққа жол бермейтінін айтқан. Бізде осының бәрін тіркеген ресми хаттама бар. Десе де, уақыт өте келе, нысан пайдалануға беріліп кеткен уақытта аталған құрылыс салушы пәтерді қайта жоспарлау арқылы салып, аумақты пайдаға асырған. Қазір бұл заңбұзушылық қылмыстық іс аясында қаралап жатыр», - деді Сергей Хорошун.
Осы заңсыздықтың салдарынан тұрғындар әлі күнге дейін пәтерлерін өз аттарына аудара алмай отыр. Әкімнің бірінші орынбасары жұмыс комиссиясын құрып, аталған мәселені шешу үшін ұсыныс әзірлеу керектігін хабарлады.
Фото: inform.kz.
