«Жұлдызды» Instagram жаңалықтары
@erke_esmahan Әріптестері жаңа жыл мерекесін қарсы алып, шығармашылық жоспарларын енді қолға алып жатқанда Ерке ЕСМАХАН Дубайдан бірақ шықты.
Ел мен жер көрсін деді ме, жалғыз жүрмей ұлын да ертіп алыпты.
«Қазақтың тойы еш жерде бітпесін. Той - халықтың қазынасы. Шетелге келіп те, қазақтардың тойында қонақ болып жүрміз. Қазақ - он и в Дубае қазақ» - деп жазды желіге серуендеп жүрген бейнежазбасын салып.
Тойда ән салып қана қоймай, Ерке сылқым ұлымен Дубайдың көшелерін араласа керек. Бір қызығы елде қошеметке үйреніп қалған әнші қызбен ол жақта да жұрт жапатармағай суретке түссе керек.
«Дубайда да қазақ әндерін тыңдайтын тыңдармандар бар. Алақай! - деп, төбем көкке екі елі жетпей қалып еді. Сөйтсем, олар маған «неткен әппақ қыз» деп таңырқап, суретке түсіп жүр екен» - депті дәмеленіп қалған Ерке.
@omirkul_ainiyazov Жаңа жыл мерекесін өткере салысымен өнер иелері туған күн тойлауға кірісіп кетті. Мәселен, желіде қаңтардың алғашқы күнінде туылған МузАРТ-ттық Сәкен МАЙҒАЗИЕВ пен «Нұр Мұқасан» тобының әншісі Мұқасан Шахзодаевты әріптестері жаппай құттықтап шықты.
Үнемі қайырымды іс қылуды қалайтын Сәкен жеке қуанышын шағын дастархан басында атап өткенді жөн көрді. Нағыз аста-төк той халық әндерін нақышында айтатын әнші Өмірқұл АЙНИЯЗОВТЫҢ шаңырағында болды. Алматыдағы үлкен мейрамханалардың бірінде болған тойға әншінің өнердегі әріптестерінің тайлы-тұяғына дейін жиналды. Ақын-жазушы, сазгер, биші, жыршылардың бәрі осы тойдан табылды десе болады. Өмірқұлдың сахнадағы әріптестері тойдан түскен суреттерді желіге жарыса салып жатса, туған күн иесі салған естеліктердің ұнағанын парақшасында бөлісіп отырды.
Өмірқұл алғашында «Қырыққа келдім!.. ырыққа көнгем жоқ, бірақ... толқыным жатыр жартастарымды соққылап », - деп басталатын ақын Ұлықбек ЕСДӘУЛЕТТІҢ өлеңін парақшасында жариялап, туған күнін жеткізген еді. Соңырсын тойдың өткені көңілінен шықса керек, «Тілек-ниеттеріңізге үлкен рахмет, ағайын!», - деп ағынан жарылды.
Бұл тойға қатысқандардан естуімізше, алыстан келген қонақтар құдды бір концерт көргендей тарқасқан. Инстаграмдағы оқырмандары да әншіге әдемі ақ тілектерін жаудырумен болды.
@asselsadvakassova Желідегі жартылай жалаңаш бейнесі үшін аз сыналмаған актриса Әсел СӘДУАҚАСОВА тағы бір туындыға түсті. Режиссер Асқар ҰЗАБАЕВТЫҢ «5 причин влюбиться в казаха» атты фильміне түскен Әсел басты рөлді сомдаса керек.
Инстаграмдағы парақшасына аталмыш комедиялық туындының тұсаукесерінен суреттер салған оны құттықтап жатқандар қатары жетерлік . Алайда, киноның іш пыстырарлық тартымсыз екенін айтқандар да табылды. Дегенмен Әсел жұртты киноға тартудың оңай жолын тапты.
Кинопаркте сатылатын попркорнның ыдысын инста парақшасына салған ол: «Қараңдар, қандай керемет попкорнға арналған стақан Кинопарк барында беріледі. Бұған салынған попкорн да қытырлақ әрі тәтті! Бұл стақанның сыйқырлы күші де бар көрінеді. Қолыңды тигізсең некелі болуға жолды ашып, ақша ағымын кеңейтумен қатар диетасыз арықтауға көмектеседі. Керемет ойлап табылған дүние. Мұны алу керек», - деп орыс тілінде жарнама жасады.
Ал әлгі стақанда Әселдің өз суретімен фильмнің атауы көрсетілген. Бұдан соң оқырмандары жарнаманың жолын жақсы тапқаны үшін актрисаны дайын «маркетинг маманына» теңеді.
Фото: Instagram.com
