Алматының «Алтын Орда» базарында жақын арада уақытша жол арқылы айналып өту ұйымдастырылады, деп хабарлайды «ҚазАвтоЖол» ҰК» АҚ баспасөз қызметі.
«Құрылыс-монтаждау жұмыстары («Алтын Орда» базарының аумағында) ені 15 м айналма жол, сондай-ақ алдағы аптада жұмыс істейтін уақытша көпір қарастырылған. Құрылыс-монтаж жұмыстарын аяқтау жұмыстары 2019 жылы жоспарланған», - делінген бейсенбіде таратылған хабарда.
Қазіргі уақытта Алматы-Бішкек жолының 786-790 км (16-19 км «Алтын Орда» базарының маңы) учаскесінің жүру бөлігін кеңейту жобасы бойынша құрылыс-монтаждау жұмыстары басталды. Жолдың өткізгіштік қабілеттілігін арттыру үшін 4-тен 10 жолаққа дейін кеңейту жоспарлануда.
«2019 жылдың соңына дейін жол құрылысына айтарлықтай жұмыстар атқаруға тура келеді: жол жолақтарын 4-тен 10-ға дейін кеңейту, Ақсай өзені арқылы көпір салу және 16 шақырымдық айналым салу», - деп түсіндірді баспасөз қызметі.
Бұдан басқа, жаяу жүргіншілердің қауіпсіздігін және ыңғайлылығын қамтамасыз ету үшін, «Апорт» сауда-ойын-сауық орталығында, «Алтын Ордада» (қазіргі аспалы өткел), «Асыл Арман» тұрғын үй кешенінде және Райымбек аулының тұсінда 4 жаяу жүргіншілер өткелінің құрылысы қарастырылған.
Қазіргі уақытта Батыс бағытта «Алтын Орда» базарына жол төсемін кеңейту жұмыстары басталды және коммуникацияларды (сумен жабдықтау, газ құбыры, байланыс және электр желілері) реконструкциялау бойынша жұмыстар жүргізілуде, жаяу жүргінші жолдары мен өтетін жолдарды салу бойынша дайындық жұмыстары жүргізілуде.
Бұл құрылым қаланың батыс жағына автокөліктердің бұрылуын қамтамасыз ету және Алматыдағы Райымбек даңғылы бойында Әуезов көшесінің шығысындағы бар жол өткелінде кептеме болдырмау үшін қажет.
Бұдан бұрын да хабарлағанымыздай, «Алтын Орда» базарының маңындағы жолдың күнделікті жүктемесі - 50 мың автомобиль. Бұл автожолдың жүктемесін азайту үшін 8 және 10 жолақты жолдарды салу жоспарланып отыр. Олардың екеуі транзиттік тасымалдау үшін, екеуі жергілікті трафикке, екеуі автобустарға қолданылады. 16 км қашықтықта кері бұрылатын эстакада қарастырылған.
Қала әкімдігінің айтуынша, жобаның алдын-ала құны шамамен 12 млрд.теңгені құрайды, ал биылғы жылдың соңына дейін құрылыс-монтаж жұмыстарына 800 млн теңге бөлінді. Екі кезеңнің күрделі құрылысын аяқтау 2019 жылға жоспарланған.
