Каспий теңізінде әскери кемеден құлаған 22 жастағы жауынгер Бейбіт Башиковты 10-күннен бері іздеуде, деп хабарлады ҚазТАГ тілшісі.
Б. Башиков ҚР ҰҚК Шекара қызметінің 2201Б әскери бөлімінде қызмет еткен, «Семсер» кемесінде қызмет еткен. Кезекші, матрос 10 желтоқсанда кезекшілікке кіріскен, ал 11 желтоқсан күні таңғы сағат 5-де төтенше жағдай орын алды.
Алдын ала болжам бойынша ауа райының қолайсыздығына байланысты ол борттан түсіп кетті. Шекара қызметінің мәліметі бойынша, сол күні желдің күші секундына 15 метрге, ал толқындардың биіктігі - 1,5 метрге дейін жеткен.
Жоғалған матростың ағасы айтқандай, бәрі боцманның көз алдында болды, оны құтқаруға тырысып, оған құтқару шеңберін тастаған.
«Бірақ оны үлкен толқыны жауып қалып, ол су астына кетті. Содан кейін олар суға қайық түсіріп іздеген, бірақ оныншы күні ештеңе таба алмады», - деді су басып қалған әскердің бауыры.
Тергеуді тергеу органдары жауынгер денесін тапқан кезде бастай алады. Әзірге ҚР ҰҚК шекара қызметі хабарлағандай, іздеу жалғасуда.
«Каспий теңізінің Баутинское шығанағындағы су айдынында «Семсер» шекаралық кемеде, жағалау шекарасын қорғау бойынша міндеттерді орындау кезінде ҰҚК-нің жағалау шекара қызметі матросы Б.Башиковтың (...) борттан құлауы болды. Оқиға шамамен таңғы 6 сағатта жағалаудан 400 метр қашықтықта өтті.
Іздестіру іс-шаралары дереу басталды, олар үнемі жүрып жатыр. Барлық күштер мен құралдар қатысады: шекара кемелері мен авиация, әуе кемелері, көлік құралдары мен сүгуірлер», - деді ҰҚК шекара қызметі баспасөз хатшысы Оксана Парпура.
Оның айтуынша, ҚР Қорғаныс министрлігінің әскери-теңіз күштері іздестіруге көмектеседі, мұнай компаниялары теңіз кемелерін, сүңгуірлер тобын бөледі. Жергілікті тұрғындар мен еріктілер қатысады. Құқық қорғау және өзара іс-қимыл жөніндегі органдар хабарланған. Іздеу жалғасуда.
