Сотталған Қайрат Жамалиев қоныс колониясына ауыстырылады, - деп хабарлайды Tengrinews.kz тілшісі Алматы облыстық сотының баспасөз қызметіне сілтеме жасап. "Қапшағай қалалық сотының 11 қарашадағы шешіміне сәйкес, сотталған Жамалиевтың оны минималды қауіпсіз мекемеге ауыстыру туралы өтініші қанағаттандырылды", - деп хабарлады соттағылар. Шешім заңды түрде күшіне енген соң Қайрат Жамалиев жазасының қалған мерзімін - 4 жыл 4 ай 28 тәулікті қоныс колониясында өтейді.
Еске сала кетейік, Астана тұрғыны Әліби Жұмағұловты ұрып-соғуға байланысты дау 2015 жылы басталған еді. Жігіттің әкесі Нұрлан Жұмағұлов әлеуметтік желіге баласының суретін салып, оны қаладағы белгілі кәсіпкер Қайрат Жамалиев ұрды деп хабарлады. Кейін кәсіпкер ұсталып, 13 жылға сотталған еді. Айыпталушы Жамалиев пен Прибытков кінәларын мойындаған жоқ, олар өздеріне тағылған айыппен келіспейді. Ал Қайрат Жамалиев Әліби Жұмағұловқа тек дене жарақатын салдым деген еді.
