Қытай алдағы 5 жылда 8 трлн доллар көлемінде тауа импорттайды, деп хабарлайды Қытай Халық Республикасының Алматыдағы Бас консулы Чжан ВЕЙ-ге сілтеме берген ҚазТАГ.
«Келесі бес жылда Қытай 8 триллион долларға жуық тауарлар импорттайды және 600 миллиард долларға шетелдік инвестицияларды тартады, ал Қытайдың шетелдегі инвестициялары 750 миллиард долларға жетеді, шетелге шығатын қытайлық туристер саны 700 миллионға жетеді», - деді Ч. Вэй Кәсіпкерлер мен қазақстандық журналистерді қабылдау барысында.
«Қытайдың экономикалық өсімінің орташа көрсеткіші 7 пайыздан асты. ЖІӨ көлемі бойынша 8 триллион АҚШ долларынан 12 трлн. долларға дейін өсті, Қытай әлемдегі екінші орынды иеленді, оның әлемдік экономиканың өсуіне қосқан үлесі 30 пайыздан асты. Жан басына шаққандағы табыс 8000 доллар болды», - деді Ч. Вэй.
Бас консулдың айтуы бойынша, Қытай қазірдің өзінде Қазақстанның ірі сауда серіктесі болды. Ал Қазақстан, өз кезегінде, Қытайдың Орталық Азиядағы ең ірі сауда әріптесі болып табылады.
«Биылғы жылы екі жақты сауданың көлемі 30 пайызға артты. Индустрияландыру және инвестициялар саласындағы ынтымақтастық тізімінде 51 ірі жобадан жартысынан көбі консулдық округ аумағында орналасқан, олардың жалпы құны 10 млрд доллардан асатын энергетика, телекоммуникация, азық-түлік өнеркәсібі, инфрақұрылым, инженерлік және құрастыру, ауыл шаруашылығы, химия өнеркәсібі құрылыс материалдары, металлургия, тау-кен өнеркәсібі және т.б. салаларда», - деді ол.
Сонымен қатар, Чей Вэй Қытай тарапы маңызды жобаларды қаржылық қолдау үшін Қытай-Қазақстан өнеркәсіптік ынтымақтастығы қорын құруға 2 млрд. доллар инвестициялады деді.
Қазіргі уақытта бас консулдықтың консулдық округінде қытайлық капиталдың қатысуымен 1000-ға жуық компания орналасқан.
Қытай Халық Республикасының дипломатиялық миссиясының мәліметтері бойынша, Қазақстан аумағы арқылы өтетін Қытай-Еуропа бағыты бойынша жүк тасымалдау жылына 8,2 млн. тоннаға жетті.
«2016 жылы Қытай-Еуропа контейнерлік пойызының жалпы 1200 рейсі Қазақстан арқылы Еуропаға өтті. Контейнерлер саны былтырғы жылдың сәйкес кезеңімен салыстырғанда үш есе артты, нәтижесінде жалпы тасымал көлемі 8,2 млн тоннаға жетті», - деді бас консул.
Ч.Вейдің айтуынша, Батыс Еуропа-Батыс Қытай көлік қозғалысы толық ашылғаннан кейін, Қытай мен Батыс Еуропа елдерінің арасындағы жүк тасымалының көлемі 3,5 есеге артады.
«Бір белдеу және бір жол» бойында орналасқан елдерде тек қана қызмет көрсететін көліктерден жыл сайын 300 миллион долларға жуық табыс алынады», - деді бас консул.
