Алматы облыстық ІІД қызметкерлері 22-24 қараша аралығында «Стоп-трафик» атты алдын алу шарасы барысында «түнгі көбелектер» торитын заңсыз жеті орын анықталды, деп хабарлайды ҚазАқпарат тілшісі.
Бұл жерде жеңіл жүрісті қыздар ақылы жыныстық қызмет көрсетіп келген. 3 тәулік ішінде жеңгетайлық жасап, жезөкшелерге қолқабыс көрсеткен 10 адамның үстінен қылмыстық іс қозғалды.
Ұйымдасқан қылмыстың алдын алу мақсатында өткізілген шара барысында Қазақстан-Қытай шекарасына жақын жердегі Жаркент қаласында жеңіл жүрістілер қызмет көрсеткен 4 орын анықталды.
Қылмыстық кәсіпті ұйымдастырған азаматша қамауға алынды.
«Сондай-ақ, бірнеше қызметтік құжат рәсімдеген 55 жастағы ер азамат та қамауға алынды. Оның құжаттары арасында судьяның, кәсіби модератордың куәлігі және Еуразия мемлекеттерінің құрметті азаматы атағын алған құжаты табылды. Куәліктерінің заңдылығы тергеу барысында анықталатын болады. Ал күдіктінің үстінен ҚР ҚК-нің 309-бабы 2- бөлігіне сәйкес іс қозғалды», деп мәлім етті облыстық ІІД-нің баспасөз қызметі.
