Алматыда терроризмді насихаттады деген күдікпен қылмыстық топ ұсталды деп хабарлайды ҚазТАГ қалалық ІІД ресми өкілінің мәліметіне сілтеме жасап.
Қазір осы іске қатысты ҚР ҚК 256-бабы 1-тармағы бойынша (терроризмді насихаттау немесе террорлық акт жасауға ашықтан-ашық шақыру) сотқа дейінгі тергеу жүріп жатқанын мәлімдеген ІІД ресми өкілі Салтанат ӘЗІРБЕКОВА ұсталған азаматтар – А.Жұмағұлов, О.Өміров және К.Әбішевке қатысты қамауға алу түрінде бұлтартпау шарасын таңдау туралы шешім қабылданғанын айтты.
Тергеу деректері бойынша, аталған адамдар тіркелмеген қоғамдық ұйымның атынан Алматыда қоғамдық тәртіпті бұзу, халықты қорқыту және құқық қорғау органдарының жұмысына кедергі келтіру үшін іс-шаралар өткізуді ұйымдастырмақ болған.
«Өздерінің қылмыстық жоспарларын жүзеге асыру үшін күдіктілер үгіт материалдарын дайындап, сондай-ақ қарулы «жихадқа» шақыратын видео хабар таратқан.
«Күдіктілер анонимді бейнеүндеуде беттеріне бетперде киіп, Қазақстанда тыйым салынған «Хизб-ут-Тахрир» діни-экстремистік партиясының символикасы мен қару-жарақ қолданған. Қазір қару-жарақтың кімге тиесілі екені анықталып жатыр. Бейнеүндеуде ұсталған азаматтар заңға қайшы жаппай іс-әрекеттер жасауға шақырған», – дейді ІІД ресми өкілі.
Сондай-ақ, ұсталғандардың тұрғылықты жері бойынша іздестіру барысында тергеу материалдарына қоса, насихаттық қағаз, электрондық БАҚ, сондай-ақ діни әдебиет тәркіленген. Бұл заттар тиісті сараптамадан өткізілуге жөнелтілді.
Сонымен қатар, ІІД күдіктілер өз қызметінде азаматтардың көп бөлігін тартуға тырысып, пікірлес адамдар іздеп, жұмысқа шақырғанын хабарлады.
«Сонымен қатар, олардың іс-әрекеттеріне жауапсыздықты қамтамасыз ету үшін мемлекеттік органдар мен құқық қорғау органдарының қызметкерлеріне қорқыту бойынша шаралар қабылдауды жоспарлады - анонимді түрде қоңырау шалу, олардың өздеріне және олардың отбасыларына жаза қолданатындығы туралы сес көрсеткен бейнежазбалар жіберуді жоспарлаған. Тергеу барысында белгілі болғанындай, аталған топ шетелде қашып жүрген қылмыстық элементтердің кеңесі бойынша әрекет еткен», – деп қорытты Әзірбек.
Қазіргі таңда Жұмағұлов, Өміров пен Әбішев Алматы ІІД тергеу абақтысына жабылды. Қылмыстық топтың өзге қатысушыларына қатысты сотқа дейінгі тергеу кезеңінде бұлтартпау шарасын қолдану туралы мәселе шешіліп жатыр.
