Ақмола облысының Қорғалжын ауданында құстарды зерттеуге арналған орнитологиялық орталық ашылды, деп хабарлайды ӨКҚ Ішкі саясат басқармасынан.
«Орнитологиялық орталықтың ашылуы Қорғалжын ауданының орталығында жаңадан салынған қонақ үйдің негізінде өтті. Құрылысты қайта қалпына келтіруге Т53,5 млн.-ға жуық қаражат бөлінді, бұл жоба Қорғалжын ауданының әкімдігімен, Қорғалжын мемлекеттік табиғи қорығымен, ҚР Ұлттық дельфий комитетімен, Қазақстан Республикасы Білім және ғылым министрлігінің Зоология ғылыми-зерттеу институтымен бірлесіп «Рухани жаңғыру» бағдарламасы аясында жүзеге асырылады», - делінген бейсенбіде таратылған хабарда.
Орнитологиялық орталық аймақтағы орнитологияны дамытуды қарастырады. Елдегі құс түрлерінің 76% Қорғалжын қорығының аумағында орналасқаны белгілі. Орталық жас ұрпақтың туған жеріне деген сүйіспеншілігін арттыру, жануарлар әлемі туралы білімді кеңейту мақсатында құрылған.
Қазақстанның Ұлттық дельфий комитетінің мамандары Орнитологиялық орталықтың жұмысында қолдануға арналған бірқатар практикалық және әдістемелік құжаттарды дайындады, мысалы, қорықтағы барлық құстардың тізбесі және құстардың өмірі мен қызметі туралы бақылау күнделіктері. Олар балалармен жұмыс істеу үшін қолданылуы тиіс.
Сондай-ақ, ғылыми жобалар аясында орнитология принциптерін қолдана отырып, интеллектуалды ізденістердің барлық түрлерін өткізу жоспарланып отыр. Осылайша, орталықтың міндеті Қорғалжын ауданының мәдени мұрасын насихаттау.
