Арқалық тұрғыны Қостанай облысының әкімі Архимед Мұхамбетовтан Арқалықты Дубайға айландыру үшін 2 млрд теңге сұрады, деп жазады «Костанайские новости».
«Арқалыққа үлкен қаржы бөлінуде, бұл қуантады. Бастысы бұл қаржы шенеуніктердің қалтасына кетпеуі керек. Халық арасында Кейкі батырды жерлеуге 2 млрд теңгеге жуық қаражат жұмсалды деп айтылуда. ТБРУ Арқалықтан баяғыда теріс айналды, Арқалықтың оларсыз жұмыс істеп жатқанына көп болды. Жас көрермендер театрын (ЖКТ) жөндеуге 675 млн теңге бөлінді. Ал, мұнда жөндеу жұмыстарынан кейінде шатырдан су ағып тұрды. Осы миллиардтарды маған беріңіздерші, мен Арқалықты Дубайға айналдырамын!», - деп мәлімдеді Арқалық әкімінің халықпен есепті кездесуінде жергілікті тұрғын Амантай Балгарин.
Осы ретте, ол бұл кездесуге халықтың өтініші бойынша келдім, деп сендірді. Және де өзін мандаты жоқ депутат деп атады.
«Мен ешкімді айыптамаймын, алайда қаржының сыртқа кетіп жатқанын айтқым келеді», - деп толықтырды әйел.
Өз кезегінде, облыс әкімі нақты дәлелдерді сұрады. Егер, нақты дәлелдер болса әйел құқыққорғау органдарына иек артуы керек.
«Ия, Арқалыққа қаржы бөлінуде, алайда ол жеткілікті емес. Кім Дубайға айналдырам деп жатыр, бұл бос сөз. Бүгін қала басшысы 20 минут ішінде әр жұмсалған теңге бойынша есеп берді», - деп толықтырды аймақ басшысы Архимед Мұхамбетов.
Кейкі батырдың мазарын көшіруге бөлінген қаржы бойынша есеп берген А. Мұхамбетов еске салып кеткендей, салтанаттан кейін адамдар үшін жөнделген жол мен су таратқыш қалды. Қала тұрғындары оларды әлі де пайдаланып келеді, сондықтан қаржы желге ұшқан жоқ.
