«АрселорМиттал Теміртау» жалақыны көтеруді жоспарлауда, деп хабарлады агенттік тілшісі.
«Көмір департаменінің жер үстіндегі жұмысшыларына, «Өркен» ЖШС мен болат департаментінің, сондай-ақ болат департаментінің басқа да қосалқы қызметтеріне грейдерлік жүйеге сәйкес 30% көтеріледі», - деді сәрсенбіде «Қорғау» кәсіподақ басшысы Марат Миргаязов.
Оның айтуынша, сонымен қатар компанияда «болат департаментінің жұмысшыларының, көмір департаменті жер үсті тобының жұмысшыларының жалақысын көтеру туралы мәселе 2018 жылдың 26 қаңтарына дейін қаралып, шешіледі».
«Бұйрық шықты. Жер асты топтары бойынша 100% бәрі шешілді: тарифтік мөлшерлеме мен жалақыны 30% көтеру және 3,55% көлемінде индекстеу. Жер үстіндегі жұмысшылар бойынша әлі нақты ештеме жоқ. 2018 жылдың 26 қаңтарына дейін біз мәселені нақты реттеуіміз керек – кімге және қанша деген сияқты», - деді М. Миргаязов.
Қазіргі таңда осы мәселе бойынша күн сайын жұмыс комиссиясының отырысы өтіп жатыр, деді ол.
Еске салсақ, «АрселорМиттал Теміртау» компаниясы таратқан хабарда 2018 жылдың 1 қаңтарынан бастап «АрселорМиттал Теміртау» АҚ мен «Өркен» ЖШС тізіміндегі барлық жұмысшылардың жалақылары мен тарифтері көтеріледі делінген еді. Көмір департаментінің жер астындағы топ жұмысшылары мен «Өркен» ЖШС Атасу темір кен орнындағы жұмысшыларға − 30%, оған жалақыны 3,55% көлемінде индекстеуді қосыңыз, ұжымдық шартқа сәйкес.
Бұған дейін хабарланғандай, 11 желтоқсанда «АрселорМиттал Теміртауда» 4 кеніштің шахтерлерінің бір бөлігі түнгі ауысымнан кейін жер бетіне көтерілмеген еді. Олар бірқатар талаптар қойған. Оның негізгісі жалақыларын 100% көтеру. Наразылық бірнеше шахталарда болып, 4 күнге созылды.
Кеншілердің ереуілі кезінде ҚР еңбек және халықты әлеуметтік қорғау министрі Тамара Дүйсенова шахталардағы ең төменгі жалақы 320 мың теңгені құрайды деген мәліметті келтірген. ($900 жоғары). Ал кеншілер жалақыларының Т120 мың - Т210 мың аралығында екенін мәлімдеген. Кейін министрлік кеншілердің жалақысы туралы ресми мәліметтердегі айырмашылықты анықтау мақсатында қызметтік тексеру жүргізетінін мәлімдеді.
