Алдағы үш жылға Астана денсаулық сақтау басқармасына 27,4 млрд теңге қарастырылған, оның ішінде 2018 жылы бұл салаға 9,5 млрд теңге бөлінеді деп жоспарлануда, деп хабарлады елорда әкімдігінің медиаорталығына сілтеме берген ҚазТАГ.
«2018 жылы денсаулық сақтау саласына бөлінетін қаржының жалпы көлемі шамамен 28, 9 млрд теңгені құрамақ. Дәлірек айтқанда, сала қор есебінен де қаржыландырыланады. Бұл қаражаттың шамамен 19,5 млрд теңгесі дәрі-дәрмекке, скринингтік зерттеулерге, жедел жәрдеммен қамту қызметіне бағытталатын болады», – деп атап өтті Астана қаласы әкімдігінің экономика және бюджеттік жоспарлау басқармасының басшысы Ерғали ЕГЕМБЕРДІ.
Сонымен қатар, ана мен баланы қорғау қызметтеріне алдағы үш жылға 1 млрд теңге, дәрі-дәрмекпен қамту шараларына 1,2 млрд теңге қарастырылып отыр. 2018 жылы осы мақсаттарға 380 млн теңге бөлінеді деп күтілуде. Хабарда көрсетілгендей, кадрлардың біліктілігін арттыру және қайта даярлауға үш жылға Т762 млн, сома көлемінде қаржы қарастырылған, соның ішінде 2018 жылы - Т239 млн. Жұмыспен қамту, еңбек және әлеуметтік қорғау басқармасына үш жылдық мерзімге Т30,7 млрд. қарастырылған.
«Қаражат негізінен міндетті жәрдемақыларды, 18 жасқа толмаған балаларға жәрдемақыларды төлеуге, мүгедектер мен балаларды санаторлы курорттық еммен қамтуға, «Инватакси» қызметін дамытуға, қоғамдық көліктермен жеңілдік бойынша жүруге, Отан соғысы ардагерлері мен оларға теңестірілген азаматтарға мерекелік датаға орай бірыңғай материалдық көмекпен қамтуға жұмсалмақ», – деп атап өтті Е. Егемберді
