ҚР Энергетика вице-министрі Маxамбет Досмұxамбетов Атырау мұнай өңдеу зауытында болған өрттің бензин бағасына кері әсерін тигізбейтінін жеткізді, деп xабарлайды ҚазАқпарат тілшісі. «Атырау мұнай зауытында болған өрттен кейін құбыр мен оның жанында болған кабельдерді ауыстыру қажет. Оған 5-6 күндей кетеді. Әрине, бензин мен дизель отынын өндіру көлемі төмендейді. Алайда бұның бәрі мұнай өнімдері нарығына ешбір әсер етпейді. Себебі қажетті жанар-жағармай қоры бар», - деді М.Досмұxамбетов журналистерге берген сұxбатында. Оның айтуынша, қазіргі кезде шығындар есептеліп жатыр. Оның көлемі көп болмайды. Дегенмен, мұнай өңдеу көлемі азайғандықтан, зауыт біршама табыстан айырылады.
