Қазақстанда сатылатын балалар ойыншығының үштен бірі денсаулық үшін қауіпті деп танылды, деп хабарлады ҚР денсаулық сақтау министрі Елжан Біртанов.
«Бақылау тұтыну тауарлары, соның ішінде балаларға арналған өнімдерді қамтиды. Ойыншықтардың 36,3% уыттылығы мен жарақат алу қаупі бар екендігін ерекше атап өткім келеді. Көптеген елдерде бұл Қытайдан және Түркиядан импортталатын ойыншықтар», - деді сәрсенбіде өткен үкімет отырысында Е. Біртанов.
Оның айтуынша, 2017 жылы камералдық бақылау аясында сыртқы экономикалық қызметтің 50 жауапсыз қатысушысы анықталып, олар сырттан импорты талапқа сай келмейтін 52 мыңнан астам тауар жеткізген.
«Бұл жеңіл өнеркәсіп өнімдері - балалар ойыншықтары, тамақ өнімдері. Бұл қатысушылар әкімшілік жауапкершілікке тартылды және олар бойынша материалдар құқық қорғау органдарына берілді», - деді министр.
Сонымен бірге өмір мен денсаулыққа қатер төндіретін 172 тоннадан астам тамақ өнімдері тәркіленді және жойылды.
ҚР Денсаулық сақтау министрлігінің басшысы 2017 жылдың басынан бастап өнім қауіпсіздігіне ай сайын мониторинг жүргізу барысында бақылау-сатып алу арқылы 38 мыңнан астам түрлі тұтыну тауарлары мен азық-түлік тауарларын қамтылғанын айтты.
«Оның ішінде 9,4%-ы талапқа сәйкес келмейді. Бұл ретте нақты тамақ өнімдерінің 7,3%-ы талапқа сәйкес келмейді. Барлығы өнімдерді сатып алу қорытындысы бойынша соттың 107 қаулысы шыққан, Т21 млн.айыппұл салынған. Жүзеге асырылған шаралар нәтижесінде жалпы талапқа сәйкес келмейтін өнімнің төменделетіні атап өтілді. Мәлімет бойынша қазіргі таңда былтырғы жылмен салыстырғанда (саны – ҚазТАГ) 12%-дан ағымдағы жылғы 9,4% дейін төмендетілген», - деді Е. Біртанов.
Еске салсақ, бұған дейін ҚР премьер-министрі Бақытжан Сағынтаев халықты жосықсыз жеткізушілер және олар тарататын қауіпті өнім туралы хабардар етуді тапсырды.
