Қостанайда мектептерде оқушыларға орын тапшы, деп хабарлады ҚазТАГ.
«Проблема облыс орталығының 6 мектебінде байқалуда: №5 мектеп-гимназия, №24 мектеп-гимназия, №1, 2 мектептер, №18 бен №122 орта мектептерде. Оқушылар санының артуына байланысты 2017 жылы қаладағы үш мектеп үш ауысымды оқуға ауыстырылды – олар №5 мектеп-гимназия, №24 мектеп-гимназия мен №2 орта мектеп», - деді Қостанай әкімі Базыл Жақыпов.
Бұдан басқа, ол толықтырып кеткендей, халық тығыз орналасқан оңтүстік өңірден солтүстік аймақтарға көшіру мемлекеттік бағдарламасы аясында 1,5 мың отбасын көшіру жоспарланған, бұл өз кезегінде мектепке дейінгі және мектеп жасындағы балалар санының 3 мыңға дейін артатынын білдіреді.
«Осы жағдайдан шығу үшін «Ауежай» шағын ауданында құны 1,6 млрд теңге болатын 900 орынға есептелінген мектептің құрылысы жүргізілуде. Сонымен қатар, жалпы құны 2,2 млрд теңге болатын және 1,2 мың балаға арналған мектепті «Юбилейный» шағын ауданында салу үшін ЖСҚ дайындалуда. Бұдан басқа, «Береке» шағын ауданында 900 және 1,2 мың орынға есептелген екі мектептің құрылысы және Құнай ауылында әр қайсысы 860 орынға есептелген екі мектептің құрылысы қарастырылуда», - деп түсіндірді Б.Жақыпов.
Осы ретте, қараша айында салынғалы бері жөндеу жұмысын көрмеген №21 орта мектепке қүрделі жөндеу жұмысын жүргізу бойынша ЖСҚ дайындалды.
«Смета - 598 млн теңге. Бүгінде №17 және №30 орта мектептерде күрделі жөндеу жұмыстарын жүргізу үшін ЖСҚ дайындалды. Жобалар мемлекеттік сараптамада. Желтоқсан айында алу мерзімі. Бұл жақын орналасқан мектептердегі бала санын қалыпқа келтіруге мүмкіндік береді», - деп түйіндеді Қостанай әкімі.
