Павлодар облысында түрлі саладағы 200 дәрігер жетіспейді, деп хабарлады агентіктің тілшісі.
«Салада 234 маман жетіспейді. Оның ішінде 23 жалпы тәжірибе дәрігері, 26 акушер - гинеколог, 13 невропатолог, 20 анестезиолог дәрігер және тағы 20 терапевт», - деді Павлодар облысы денсаулық сақтау басқармасының жетекшісі Ораз Мұқашев сейсенбідегі денсаулық сақтау мәселелері бойынша коллегияда.
Спикер атап өткендей, аймақтағы емханалар мен ауруханалар еліміздегі медициналық оқу орындармен ынтымақтастық туралы келіссөздер жүргізуде және де Павлодар облысында болашақта жұмысқа орналастыру үшін 22 резидентпен және 24 интернмен келісім жасады. Жоғары медициналық білімі бар 9 жас маманға ведомстволық баспана берілді. Павлодар, Ақсу мен Екібастұзда бюджеттен тыс қаржы есебінен 31 жас маманнның тұрғын үйінің жалдау ақысы төленуде. Бұл жағдайда жалпы сома 1 млн теңгеден асып жығылды.
Өз кезегінде Павлодар облысының әкімі Болат Бақауов атап өткендей, жағдай жасалмаса өзге аймақтардың тұрғындары аймақ жұмыс істеуге бармайды, сондықтанда жергілікті жерлерде әкімдер өз жұмыстарына осы мәселе бойынша басымдық беруі керек.
«Бір ауылдың көшесі жөнделмесе мейлі, бір жыл жөнделмей тұрса тұра берсін, алайда дәрігердің баспанасы болады. Біздің облыстық, қалалық, аудандық бюджетте ресурстар бар, оларды біз қажетті заттарға бөле аламыз. Павлодар әкімдігі «Алюминстрой» шағынауданынан көшкендер үшін екінші нарықтан үй сатып алуға қаржы бөлді. Не себепті дәрігерлер үшін ведомстволық баспананы жалға алуды қарастырмасқа? Бізге ешкім шектеу қойып жатқан жоқ. Бұл мәселені шешу үшін нақты тапсырма керек», - деп баса айтты Б. Бақауов.
Аймақ басшысының орынбасары Мейрам Бегентаевтың айтуынша, денсаулық сақтау және әлеуметтік қорғау басқармалары денсаулық сақтау мекемелерін кадрлық қамтамасыз ету бойынша жол картасын жасақтады. Келер жылдың бірінші тоқсанында аталмыш мәселені шешуге ол уәде берді.
