Сәрсенбі күні Қазақстанның басым бөлігінде тұрақсыз және жауын-шашынды ауа райы күтіледі, деп хабарлады «Қазгидромет» РМК баспасөз қызметі.
Астанада бұлт шығады, кейде қар жауады, бұрқасын, оңтүстік-батыстан 9-14 м/с жел соғып, солтүстік-батысқа ауысады, екпіні 15-20 м/с болады, ауа температурасы -13-15 градус, ары қарай төмендей береді.
Алматыда бұлтты, қар, тұман, көктайғақ, 2-7 м/с, -2-4 градус, ары қарай төмендей береді.
Ақмола және Павлодар облыстарында қар, бұрқасын, тұман, көктайғақ, 15-20 м/с жел тұрады, сәйкесінше, -13-18 және -2-7 градус. Қостанай облысында жауын-шашынсыз, кей жерлерде бұрқасын, көктайғақ, тұман, 15-20 м/с жел, -8-13. Солтүстік Қазақстан облысының аумағында кей жерлерде қар, бұрқасын, тұман, 15-20 м/с жел, -9-14.
Қарағанды облысында кей жерлерде қар, бұрқасын, көктайғақ, 15-20 м/с жел, -5-10. Шығыс Қазақстан облысында қар, кей жерлерде қатты, 15-20 м/с жел тұрады, кей жерлерде 23-28 м/с, екпіні 30 м/с және одан жоғары, жекелеген аудандарда бұрқасын күтіледі, тұман, көктайғақ, 0-5.
Жамбыл және Оңтүстік Қазақстан облыстарында кей жерлерде қар жауады, 15-20 м/с жел тұрады, кей жерлерде екпіні 23-28 м/с, ол 30 м/с дейін жетуі мүмкін, жекелеген аудандарда да бұрқасын, тұман, көктайғақ, 0-5 және -3+2. Қызылорда облысында күндіз кей жерлерде аздаған қар жауады, 15-20 м/с жел тұрады, кей жерлерде 23-28 м/с, жекелеген аудандарда тұман, көктайғақ, 0-5. Алматы облысында да қар жауады, кей жерлерде қатты, тұман, көктайғақ, 18-23 м/с жел тұрады, 0-5.
Маңғыстау облысында жауын-шашынсыз, боран соғып, көктайғақтанып, жел 15-22 м/с, екпіні 25 м/с, күндіз +4+9 градус болады. Атырау, Батыс Қазақстан және Ақтөбе облыстарында кей жерлерде қар, боран, көктайғақ, 15-20 м/с, сәйкесінше, -1+4, -2+3 және 0-5. Батыс Қазақстан облысында желдің екпіні 25 м/с дейін жетуі мүмкін.
Алдағы күндері республиканың оңтүстігінде, оңтүстік-шығысында және шығысында кейбір өзендерде су деңгейінің ауытқуы күтіледі.
