Техастағы шіркеу ғимаратындағы атыс кезінде қаза тапқандар мен зардап шеккендер арасында Қазақстан азаматтары жоқ, деп хабарлады ҚазТАГ агенттігі ҚР сыртқы істер министрлігінің баспасөз қызметіне сілтеме жасап.
«Біз анықтағандай, қазіргі таңда келіп түскен ақпарға сәйкес Техастағы шіркеу ғимаратындағы атыс кезінде қаза тапқандар мен зардап шеккендер арасында Қазақстан азаматтары жоқ», - делінген таратылған хабарда.
БАҚ таратқан соңғы ақпарға сәйкес, Техастағы Сазерленд-Спрингс (США) қаласындағы шіркеуде оқ атқан адамды баласы мен әйеліне тиіскені үшін әскери трибунал 5 жыл бұрын соттаған екен, деп хабарлады АҚШ ВВС баспасөз хатшысы Энн Стефанек.
Хабарда айтылғандай, ол әскери қызметтен 2010-2014 жылдары оқытылмаған қатардағы авиацияның ең төменгі дәрежесінде өткен. Бұл ретте ол қызметтен сөгіс алып, 2017 жылы трибуналға ұшыраған. Оның не үшін сотталғаны айтылмайды.
Бұған дейін хабарлағандай, 6 қарашада АҚШ-тың Техас штатындағы Сан-Антонио қаласының маңындағы Баптист шіркеуінде қарулы адам атысынан кем дегенде 26 адам қаза тапты. Ондаған адам жарақат алды.
Қарулы адамның аты-жөні ресми түрде айтылмаса да, АҚШ-тың көптеген БАҚ-тары шабуылдаушы Дэни Патрик Келли АҚШ әуе күштерінен масқара болып босатылған деп жазады.
Вилсон округінің полиция комиссары Альберт Хеймз мырзаның айтуынша, қарулы адам оқиға орнынан автокөлікпен кетіп, кейінірек өлі табылды.
Бастапқы нұсқасына сәйкес, ол полиция тарапынан атып өлтірілді немесе өзін-өзі өлтірді, бірақ кейінірек полиция қызметкерлері қарулы азаматтардың біреуі атып тастады деп хабарлады.
