Теміртаудағы мектеп асханасында ішек таяқшаларының бактерияларын тапқан санитарлық дәрігерлерді сотқа берді, деп хабарлады Қарағанды облысы мамандандырылған ауданаралық экономикалық сотына сілтеме берген ҚазТАГ.
«Жеке кәсіпкер Зәмзәгүл Саттыбаевадан «Қарағанды облысы қоғамдық денсаулықты сақтау департаментінің Теміртау қаласы қоғамдық денсаулықты сақтау басқармасы» РМБ-ға білім беру мекемесінде 2017 жылдың 3 қарашасы күні жүргізілген санитарлық-эпидемиологиялық тексеру актісін заңсыз деп тану туралы арыз түсті», - деп хабарлады сәрсенбіде соттың баспасөз қызметінен.
Ведомствода нақтылғандай, кәсіпкердің арызы өндіріске алынды және азаматтық іс қозғалды. З.Саттыбаева Теміртау қаласындағы №1 классикалық лицей оқушылары ата-аналарының мектеп асханасын жабуды талап еткені, кейіннен мектеп асханасында ішек таяқшаларының бактериялары табылғаннан кейін сотқа шағымданғаны белгілі болды.
«Бір айдан бері Теміртаудағы классикалық лицейдің ата-аналары мектеп асханасын жабуды талап етуде. Балалар дәмсіз тамаққа шағымданып, үйлеріне аш қайтып жүр. Әрине біз, шара қабылдасын деп лицей басшылығына да бардық. Алайда олар бізге асхананы жаба алмайтындарын, себебі оның иесімен мемлекеттік сатып алу базасы арқылы шарт жасалғанын айтты», - деді лицейдегі оқушылардың ата-аналары.
Олардың айтуынша, олар мектеп асханасының жағдайын тексеру үшін облыстық қоғамдық денсаулық сақтау басқармасына жүгінген, және жақында жауап та келген.
«Қорытындыдан көріп отырғанымыздай, асханадан мамандар ішек таяқшаларын тапқан. Сондай-ақ, азық-түлікті тасымалдау бойынша да ескертулер бар. Ата-аналар балаларын дәмсіз тамақпен тамақтандыратынын айтқан», - деді лицей директоры Игорь Пашин.
Оның айтуынша, бактериялар, ыдыста, үстелдерде, ыдыстарды кептіруге арналған жерлерде және тіпті асхана аспаздарының қолдарынан да табылған. Алайда асхана директорының айтуынша, ешқандай бұзушылық болмауы тиіс.
«Бір ай бойы, күн сайын бізге арнайы комиссия келіп, сынамалар алды. Барлық бұзушылықтарды біз бірден жойдық. Бізде ешқандай бактерия болмауы тиіс. Мектеп асханасында бәрі дұрыс», - дейді кәсіпкер З.Саттыбаеваның өзі.
Алайда Теміртау лицейі оқушыларының ата-аналары бұл жайды облыстық білім басқармасына және салалық министрлікке хабарлауды шешті. Олар арнайы арыз да дайындап, жақын арада жолдау үшін қол жинап жатыр.
