«Қазгидромет» РМК 5 қаңтарға арналған ауа райы болжамын ұсынады, деп хабарлайды ҚазАқпарат. Республиканың басым бөлігінде жауын-шашынсыз ауа райы күтіледі. Тек еліміздің оңтүстігінде атмосфералық ауа ағындардың өтуіне байланысты жауын-шашын болады. Кей жерлерде желдің күшеюі, тұман, көктайғақ күтіледі. Оңтүстік Қазақстан, Қызылорда, Жамбыл облыстарының кей жерлерінде тұман түсіп, көктайғақ болады. Ақмола, Қостанай, Солтүстік Қазақстан, Павлодар, Шығыс Қазақстан, Маңғыстау, Батыс Қазақстан, Қарағанды облыстарында, түнде Алматы облысының кей жерінде тұман түседі.
