БҰҰ нацизмді батырлыққа теңеуге қарсы қарар жобасын қарайды, деп хабарлайды ҚазТАГ «Коммерсант»-қа сілтеме жасап.
«Ресей БҰҰ Бас Ассамблеясына нәсілшілдік, нәсілдік кемсітушілікке қарсы күрес және ұлтшылдықты асыра дәріптеуді айыптайтын қарар жобасын ұсынды. Ол БҰҰ Бас Ассамблеясының әлеуметтік және гуманитарлық мәселелер бойынша үшінші комитетіне кірді», - делінген сәрсенбідегі хабарда. Жобаны таныстырған Ресей Сыртқы істер министрлігінің Гуманитарлық ынтымақтастық және адам құқықтары департаментінің директоры Григорий Лукьянцев «адамзат нацистік идеологияның мұрасын жоя алмай келеді» деп атап өтті. «Біз тері түсіне, басқа діндегі адамдарға, иммигранттарға және ұлттық азшылықтарға қарсы зорлық-зомбылық актілерін қолданатын түрлі экстремистік топтардың белсенділігінің артып отырғанына алаңдаушылық танытып отырмыз», - деді Г. Лукьянцев.
Қарарда нацистік идеяларды насихаттайтын оқиғалар айыпталуда, сондай-ақ бүкіл әлемдегі нәсілшілдікке байланысты оқиғалардың көбеюіне назар аударылады. 2016 жылдың соңында БҰҰ-ның Әлеуметтік, гуманитарлық және мәдениеттану жөніндегі комитеті көпшілік дауыспен нацизмнің қаһармандылығымен күресу және нәсілшілдік, нәсілдік кемсітушілік пен ксенофобияның қазіргі заманғы түрлеріне қарсы тұру туралы шешім қабылдады.
Сол кезде Қазақстан құжаттың авторларының бірі ретінде әрекет етті, ал бұл шешімге 131 мемлекеттің өкілдері дауыс берді.
