Бішкектегі Қазақстан елшілігінде митингке қатысушылар Қырғызстанның экс-президенті Құрманбек Бакиевке сәлемдеме дайындады, деп жазады ҚырТАГ.
«Біз қашып жүрген президент Қ.Бакиевке сәлемдеме дайындадық және оны Қазақстан елшілігі арқылы Қырғызстанға жолдағымыз келеді. Көбі сұрап жатыр, неге Қазақстан елшілігі арқылы? Түсіндірейін: жақында қазақ тіліндегі «Хабар» мемлекекттік телеарнасы арқылы Қырғызстандағы 2010 жылғы жағдайлар туралы деректі фильм көрсетілді. Көрсетіп жатқан фильм аңдатпасында, астын сыза кетейін, мемлекеттік телеарнада қашып жүрген президент Қ.Бакиев үстіндегі барымен елден кетіп қалғанын мәлімдеді: «Не үшін екенін мен білмеймін, тіпті менің киімдерімді, шұлығымды, ішкі киімімді де алып кетті. Ыдыс-аяқтарым туралы айтпай-ақ қояйын. Мен уақыты келгенде еліме қайта оралатыныма сенімдімін». Сондықтан біз оған іш киім сыйлағымыз келіп отыр және оны ҚР елшілігі арқылы бергіміз келеді», - деді митингті ұйымдастырушылардың бірі, «Айкол Ала-Тоо» қоғамдық бірлестігінің мүшесі Амантур Жылкычиев
Белсендінің айтуынша, қырғыз халқы қазақтар тарапынан жасалған барлық жақсылықты біледі. «Ана фильмде де қазақ халқының жақсылығы туралы тағы қайталанған, бірақ оны қайталай берудің қажеттілігі жоқ. Ол біздің есімізде», - деді А.Жылкычиев.
Митингке шамамен 20 адам жиналған.
