Facebook тағы бір жақсы функцияны іске қосады. Енді аталмыш желі қолданушылары өздерінің суреттерін басқалардың желіге жүктеп жатқанынан хабардар болып отырмақ, деп хабарлайды ТАСС TechCrunch порталына сілтеме жасап. Photo Review деп аталатын функцияның көмегімен қолданушы өз суретін арнайы белгімен немесе «ілмекпен» белгілемесе де әлеуметтік желінің қай жерінде немесе кімнің қолында жүргенін бақылап отыра алады. Егер суретіңізді басқа қолданушы пайдаланғанын байқаған жағдайда сіз суреттегі адамның кімдікі екенін белгілеп қойып, өз суретіңіздің «иесінен» пайдаланған суретті өшіруін сұрай аласыз немесе Facebook-тің техникалық қолдау қызметіне жүгінуге болады. «Photo Review тек қана жалпыға ашық суреттердегі адам келбетін анықтайды. Арнайы баптаулар арқылы көрсетілімі шектелген суреттерді функция анықтай алмайды», - деп жазады портал. Сонымен қатар қолданушылар жаңа технологияны мүлдем өшіріп, немесе адамның түр-нобайын анықтай алатын шаблондарды алып тастай алады. Алдағы апталарда Photo Review Facebook жұмыс істеп тұрған барлық елдерде іске қосылмақ. Тек қана Еуропа елдері мен Канада ғана бұл қатарға енбейді. Себебі бұл мемлекеттердің заңы әлеуметтік желілерде адамдардың келбетін анықтайтын технологияларды қолдануға тыйым салады.
