Еуропаға баруды жоспарлап отырғандарға Италия мен Голландияда құс тұмауының шыққаны туралы ескертті, деп хабарлады Роспотребнадзор баспасөз қызметінен.
«Голландияның ресми билігі жабайы суда жүзетін құстардан (үйрек, қаз, аққу және т.б.) H5N6 құс тұмауының қайтадан шыққаны туралы хабарлады. Желтоқсан айының басында Голландияда Оңтүстік Корея мен Қытайда жақында шыққандарға ұқсайтын H5N6 құс тұмауының алғашқы дерегі , анықталды», - деп хабарлады бейсенбіде Халықаралық жанураларды қорғау ұйымынан (OIE).
OIE басқа баяндамасында Италияда H5N8 құс тұмауының шыққаны айтылады, ол жақта 10 желтоқсанда елдің солтүстік-шығысындағы үйрек фермаларының бірінде шығып, 1 135 құсқа жұққан.
«Ұлыбританияның қоршаған орта, азық-түлік және ауыл шаруашылығы мәселелері жөніндегі министрлігі (DEFRA) 2017 жылдың 21 желтоқсанында Голландияда H5N6 вирусының таралу мүмкіндігіне жаңа бағасын берді. Голландиялықтар зерттеу жұмыстарын жүргізіп жатыр», - делінген баспасөз қызметінің хабарында.
Британдықтардың пікірінше, Голландия жабайы құстардың қоныс аударып Ұлыбританияға ұшқан кезде демалатын аралығы болып табылады, сондықтан қауіпті вирустың келуі 2018 жылдың ақпанына дейін сақталады.
«Ағылшындықтар Ұлыбритания үшін қазір , H5N8 вирусына қарағанда H5N6 вирусы қауіпті деп санайды. 2017 жылдың 22 желтоқсандағы жағдайы бойынша Голландия мен Италияда құс тұмауының адамға берілу дерегі тіркелмеген», - деді Роспотребнадзордан.
Ведомствода атап өктендей аталмыш ақпаратты сапарларын жоспарлаған кезде ескерген жөн.
Еске салсақ, 5 желтоқсанда Қытайда H7N9 құс тұмауын бір адамның жұқтырғаны белгілі болды. ДСҰ ақпарынша желтоқсан айының басында әлем бойынша құс тұмауының адамға жұғуының 17 жағдайы тіркелген. Олардың барлығы ҚХР-да тіркелген.
