26-27 қараша аралығында Венгрияның Дьор және Солнок қалаларында Құрманғазы атындағы Қазақ ұлттық консерваториясы аралас хорының концерті өтті, деп хабарлады Қазақстан Республикасының Венгриядағы Елшілігінің баспасөз қызметінен. 1944 жылы құрылған хор музыка сүйер қауымның назарына қазақ, орыс, сондай-ақ венгриялық және италиялық композиторлардың шығармаларын ұсынды. Венгрия жұртшылығы әсіресе қазақтың атақты шығармалары Ақан серінің «Қараторғайы» мен халық әні «Майраның» орындалуынан ерекше ләззат алды», - делінген хабарламада. Қазақстан Елшісі Нұрбақ Рүстемов Елбасының заманауи Қазақстанның қалыптасуындағы баға жетпес рөлі жайында айта келе, еліміздің Тәуелсіздік жылдарындағы басты жетістіктерін атап өтті. Өз кезегінде Яс-Надькун-Солнок облысы облыстық кеңесінің төрағасы Шандор Ковач XIII ғасырда қыпшақтардың екінші үйі атанған Венгрияның шығыс бөлігі үшін қазақстандық орындаушылардың алтын дауыстары концерт атмосферасын Ұлы даланың туған өлкелеріне жетелегенін жеткізді. Музыкалық ұжымның концерті венгриялық жұртшылыққа көтеріңкі көңіл-күй сыйлап қана қоймай, қазақстандық музыканттардың жаңа буынының жоғары кәсіби шеберлігін де көрсетті. ҚР Тұңғыш Президенті күніне орайластырылған концерт Қазақстан Республикасының Венгриядағы Елшілігінің қолдауымен өтті.
Журналист
– Бір ел - екі тіл едік. Енді "Бір ел - екі әліпби" болатын сияқты.
