Бұл соғыста электросамокат түгілі, ат пен есекке дейін сұраныс артып келеді
Талай техникасынан айырылып қалған Ресей әскері енді соғыстың алғы шебінде ГАЗ-69 дейтін мәшинелерін пайдалана бастады. Жолсыз жерге арналған бұл жүк көлігі 1940-шы жылы құрастырылып, алғашқы данасы Ресейдегі Молотов зауытының конвейерінен 1952 жылы шыққан, деп жазыпты Forbes басылымының шолушысы Дэвид АКС.
Ең соңғы ГАЗ-69 зауыттан 1972 жылы шыққан. Енді осы өндірісі 50 жыл бұрын тоқтаған, өзіне 80 жыл болған конструкция Украинаға қарсы соғыс шебінде қатарға қосылған көлік құралының “жаңа” түрі болды.
“Ескі көліктердің келуі Ресей армиясындағы демеханизацияны білдіреді”, - деп жазады сарапшы.
Ресейдің бұл соғыста “әумин боп кеткен” бронды машиналары мен басқа да ауыр техникасының саны 20 мыңнан асады. Салыстыру үшін, бүкіл Ұлыбритания армиясы қазір шамамен 18 мың көлік құралын пайдаланады.
“Бронды техниканың шығыны сұмдық боп жатыр. Ресей оның орнын жаңа шыққан техникамен толтыра алмай, сақталып тұрған ескі-құсқы темір-терсегін түгендеуге мәжбүр. Алайда Ресей армиясындағы демеханизация Ресейдің шабуылдары тоқтап қалады дегенді білдірмейді, қанша дегенмен Ресейдің адамдары да, техникалық құралдары да саны жағынан Украинаны он орайды”, - деп жазады сарапшы.
Фото: x.com/bayraktar_1love.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
