Алаш тарихын ардақтаушы
Қазақстанның құрметті журналисті, ақын, жазушы Жұмат ӘНЕСУЛЫНЫҢ есімі оқырмандарға кеңінен таныс. Ж.Әнесұлының Ұлт ұстазы, Алаш көсемдерінің бірі Ахмет БАЙТҰРСЫНОВ туралы ондаған мақалалары республикалық газеттерде жарияланып, кейін, "Ұлтына ғұмырын арнаған тұлға", "Алаш туын көтергендер" атты кітаптарға енген.
Ардагер журналист, жазушының таяуда "Үш қиян" баспасынан "Ахаң мен Жахаң салған азаттық жолы" атты тарихи повесті жарыққа шыққан.
Жұмат Әнесұлы Ахмет Батұрсынов пен Міржақып ДУЛАТОВТЫҢ сол кездегі сауатсыз халықтың санасын жаңғыртудағы сіңірген зор еңбектерін, Алаш қозғалысы кезінде соның басында болып, сол үшін қуғынға ұшырап, қиындық көрген сәттерін, ХХ-ғасырдың бас кезінде жазба қазақ әдебиетінің негізін қалаған тарихи еңбектерін саралап көрсеткен.
Махмұд Қосмабетов, баспагер.
