Бұл премиум брендті Қазақстандағы кез-келген жүргізуші көлігіне құя алады
"Темір тұлпар" тоқтамай шапқылауы үшін не керек дегенде – ең алдымен сапалы отын керек екенін тәжірибелі жүргізушілердің бәрі біледі. Моторға құйылатын сұйық отын сапалы, экологиялық таза және үнемді болуы керек. Бүгін Qazaq Oil компаниясы ең талғампаз тұтынушылардың талаптарына сай келетін жаңа өнімін – халықаралық энергетикалық алпауыт Total Energies-пен бірлесіп жасалған, өзінің жеке брендімен шығатын отынды нарыққа ұсынды.
Енді Qazaq Oil-дың барлық жанармай бекеттерінде қазақстандықтар бағалап үлгерген Tulpar-95 маркасынан бөлек, Tulpar-92, Tulpar-98 және Tulpar-ДТ деген премиум өнімдер сатыла бастайды.
- Біздің компания әу бастан бері әрқашан бірінші орынға сапаны қойып келген, мейлі ол біздің өнімдеріміз болсын, мейлі жанармай кешендеріндегі қызмет көрсету болсын. Брендті отынға көшу – бұл да жаңа сапа деңгейі, біздің клиенттеріміз лайықты бағасын беретініне сенімдіміз, - деді Qazaq Oil компаниясының бас директоры Төлеміс ШОТАНОВ.
Tulpar бензині – қозғалтқыштың қуатын арттырады. Одан соң отынды үнемдейді, коррозия мен тоттан қорғайды және зиянды түтінді азайтады.
Tulpar дизель отыны төмен температурада қатпайды, отын жағу жүйесінің тазалығын сақтайды, қозғалтқыштың жұмысын сенімді қылып, сайман-жабдықтың қызмет мерзімін ұзартады.
- Біз клиенттерімізге халықаралық стандарттарға сәйкес келетін, экологиялық жағдайды жақсартуға ықпал ететін отын ұсына алатынымызбен мақтансақ та болады. Бұл – Қазақстан нарығында көшбасшы болу және автокөлік иелеріне ең мықты шешімдер ұсыну жолындағы маңызды қадам, - деп атап өтті Төлеміс Шотанов.
Qazaq Oil өндіру мен сату кезеңдерінің барлығында отынның сапасын бақылап отырады. Осы мақсатта компанияның Алматы, Астана және Атырау қалаларында аккредиттелген үш зертханасы бар, оларда тұрақты түрде сынақтар жүргізіледі. Кездейсоқ таңдалған жанармай бекетінен алынған отын сынамалары Qazaq Oil жанармайының заңда белгіленген нормативтерден де асып түсетінін көрсетті.
- Qazaq Oil жанармай желілерінде сапаны бақылаудың көпдеңгейлі жүйесі енгізілген. Біз отынды мұнай өңдеу зауытынан тиелген сәттен бастап, жанармай бекетінде көлікке құйылатын кезіне дейінгі барлық кезеңдерде бақылап отырамыз, - деп түсіндірді компания өкілдері.
Qazaq Oil – еліміздегі ең ірі жанармай құю желісі, оған 372 станция, 242 бензовоз, 11 жеке және 30-дан астам жалға алынған мұнай базасы кіреді. Премиум отынға көшу кезең-кезеңімен жүзеге асырылады. Қарашаның ортасынан бастап нарыққа Tulpar-95, Tulpar-98 және Tulpar дизель отыны шығарылады. Tulpar-92 маркалы отын жыл соңына дейін бүкіл ел бойынша жанармай құю станцияларында пайда болады.
Фото: Qazaq Oil.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
