Жәбірленуші қыз сегізінші сыныпта оқиды
Семейде мектеп мұғалімі сегізінші сынып оқушысын зорлады деген күдікке ілінді, деп хабарлады 31 арна.
Алғашқы әскери дайындық пәнінің ұстазы қамауға алынып, тергеу жүргізіліп жатыр.
Оқиғаның мән-жайы әзірге белгісіз.
Білім бөлімінің мәліметінше, 32 жастағы педагог білім ошағында екі жылдан бері жұмыс істеген. Әріптестері мұғалімнің тек жақсы қырынан көрінгенін айтады. Тіпті сабақтан тыс уақытта балалармен жиі түрлі шаралар өткізетін деп отыр. Оқушыларды қалалық жарыстарға қатыстырып, жүлделі орындарға ие болғанын да атап өтті.
Жәбірленуші қыз сегізінші сыныпта оқиды. Ол қазір сабаққа келіп жүр дейді мамандар.
- Ол ұстаз 2016 жылы Шәкәрім атындағы Семей мемлекеттік университетін бітірген. Аталған жағдай бойынша қазіргі уақытта құзырлы органдар зерттеп, тиісті тергеу жұмыстарын жүргізіп жатыр. Енді сол жұмыстардың нәтижесі ойынша қосымша ақпарат беріледі. Қазіргі уақытта жаңағы ұстаз ол уақытша ұстау изоляторында орналастырылған, - деді Семей қаласы білім бөлімінің басшысы Біржан БҰЛАБАЕВ.
Фото: elements.envato.com.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
