Ал, 2 жасар сәби covid19 жұқтырды
Қызылорда қаласында 3 жасар бүлдіршін көпқабатты үйдің 3–ші қабатынан құлап кеткен. Бір сәтке ата-анасының қарауынсыз қалған бала осындай жазатайым оқиғаға ұшырады. Бүгінде ол облыстық балалар ауруханасында жатыр.
- Қазір жағдайы орташа, жансақтау бөлімінен жалпы палатаға ауыстырылды, - деді облыс бойынша төтенше жағдайлар департаменті бастығының орынбасары Руслан ҚАЙРАҚБАЕВ.
Айта кетейік, өткен жылы Қызылордада 7 бала москит торлы терезеден құлап, түрлі жарақат алған болатын.
Сондай-ақ, 2 жасар бала COVID-19 вирусын жұқтырды. Ол осы аурумен ауырған 79 жастағы қала тұрғынының немересі.
- Қазір балақай ауруханада, жағдайы қалыпты,- деді облыстық денсаулық сақтау басқармасының басшысы Жақсылық ӘБДУСАМЕТОВ.
Бүгінде Сыр елінде коронавирусқа шалдыққандар саны 231-ге жетті, олардың 165-і емделіп шықты.
