Жәрдемақы алушылар тізімінде бар-жоғыңызды тексеру үшін Birgemiz аймақтық қорына жолығыңыз
Жақын арада BIRGEMIZ қорынан кезекті бір реттік 50 мың теңге көлеміндегі төлемнің төртінші науқаны басталады деп хабарлайды Sputnik Казахстан. Қазақстандықтарға құжат жинау міндетті емес, өйткені әлеуметтік тұрғыда аз қамтылғандар тізімі жергілікті әкмідіктерде бар, - деді BIRGEMIZ қоғамдық қорының басқарма төрағасы Руслан САКЕЕВ.
Ауылдағы ағайынға көмек
"Бірінші және екінші науқан кезінде бір реттік төлемді халқының саны жүз мыңнан асатын 23 ірі қаланың тұрғындары алды, себебі ол елді мекендерде коронавирус жұқтыру мүмкіндігі тым жоғары еді", - деді Сакеев.
Үшінші науқан коронавирус инфекциясы тіркелген аудан орталықтарының тұрғындарын қамтыды. 110 мың адам 50 мың теңгеден қаржы алды.
"Үш науқан барысында тікелей атаулы көмекті 470 мыңнан астам мұқтаж азамат алды. Елбасы Нұрсұлтан НАЗАРБАЕВ төртінші науқан кезінде ауыл тұрғындарын назарға алуды тапсырды. Төртінші мәрте төлем жақын арада жасалады", - деп жоспарлап отырмыз деді басқарма төрағасы.
Неге құжат өткізудің қажеті жоқ?
Бір реттік төлем алушылар азаматтар санаты қордың қамқоршылық кеңесімен бекітіліп қойылған. Ол жұмыс Еңбек және халықты әлеуметтік қорғау министрлігінің ұсынысымен жасақталды, - деді Сакеев.
"Құрамына қоғам қайраткерлері, үкіметтік емес ұйымдар көшбасшылары, жастар бірлестігі, БАҚ өкілдері енген қордың қамқоршылық кеңесі көмекке мұқтаж азаматтардың 7 санатын анықтады. Тізімдер облыс әкімдіктерімен түзіледі, себебі жергілікті атқарушы билік ахуалды жақсы біледі", - деп толықтырды Сакеев.
Облыстарда BIRGEMIZ аймақтық қоры құрылды, қаражат сонда аударылады, ол кейін алушылар шотына түседі.
"Құжат тапсырудың қажеті жоқ, себебі шын мұқтаж азаматтардың тізімі әкімдіктерде және аймақтық қорда бар. Қаражат автоматты түрде бағытталады. Егер азаматтар өздерінің мұқтаждар тізімінде бар екенін білгісі келсе, онда сол аймақтық қорларға хабарласа алады. Ақпарат біздің сайтымызда бар және әлеуметтік желілердегі ресми парақшада көрсетілген", - деп пысықтады ол өз сөзін.
Бірінші кезекте төлемді кімдер ала алады?
Бірінші кезекте қордағы қаржы күрделі жағдайға тап болған, әсіресе карантин кезінде қиналған мұқтаждарға бағытталады.
"Кейде ұят та болса айтайын, отбасындағы жақсы табысы барлар да осы төлемге иек артатыны жасырын емес", - деп күрсінді Сакеев.
Бірінші науқан барысында төлем жасауда қиыншылықтар болғаны рас.
"Кейбіреулердің екінші деңгейлі банктегі шоттары бұғатталған болып шықты, енді біреулерде несие бойынша қарыз қордаланған. Осындай мәселелерге қарамастан, Nur Otan, Ұлттық банк және қаржы рыногын реттеу және дамыту агенттігініңкүш біріктіруімен проблема шешілді", - деді басқарма төрағасы өз сөзінде.
Қор коронавируспен күрес кезеңінде құрылған болатын, дегенмен ол шоттағы барлық қаражат түгесілгенше жұмысын жалғастыра береді.
Еске сала кетейік, BIRGEMIZ қоғамдық қоры 2020 жылдың 20 наурызында еліміздің Тұңғыш Президенті Нұрсұлтан Назарбаевтың ұсынысымен құрылған болатын, ондағы мақсат – пандемиямен күрес кезінде еліміздің әлеуметтік тұрғыда әлжуаз топтарына көмек беру.
Қорға қаражат белгілі бизнес иелері Алиджан ИБРАГИМОВ, Александр МАШКЕВИЧ, Патох ШОДИЕВ, Н.Назарбаевтың ортаншы қызы Динара КУЛИБАЕВАДАН, миллиардер Болат ӨТЕМҰРАТОВ және басқа да белгілі қалталы азаматтардан келіп түсті.
Фото: Ⓒ Ratel.kz / Сергей Перхальский.
