"Қаладағы эпидемиологиялық ахуалдың күрт нашарлауына байланысты және коронавирус инфекциясының одан әрі таралуын болдырмау мақсатында 13 және 14 наурызда қоғамдық көлік, метрополитеннің жұмысы уақытша тоқтатылады", – деп хабарлады Алматы қалалық мобилділік басқармасы.
Қоғамдық көлік жұмысы 15 наурызда жоспарлы түрде қайта жанданады.
Ал Нұр-Сұлтан қаласы әкімдігінің хабарлауынша, елордада демалыс күндері қоғамдық көлік жүреді.
Айта кетейік, Алматы коронавирустың таралуы бойынша "қызыл" аймақта тұр. Соған байланысты өңірде карантин күшейтіледі.
Наурыз мерекесінде қандай шектеулер болады
Қаланың бас санитар дәрігерінің қаулысына сәйкес, бұқаралық шаралар, көрмелер, той, жиын өткізуге болмайды.
Сондай-ақ Наурызды тойлауға, мерекелік отырыстар өткізуге де рұқсат жоқ.
20-24 наурыз аралығында қалааралық, облысаралық автобустар қозғалысы шектеледі.
Боулинг-орталықтарға, компьютерлік клубтарға (Ashyq пилоттьқ жобасына катысатын нысандарды қоспағанда), бильярд, караоке, батуттар, түнгі клубтар, букмекерлік кеңселер, лото және ойын клубтары, жабық үй-жайлардағы ойын алаңдары мен аттракциондарға, мұз айдындарына баруға тыйым салынды.
Қаулы 13 наурызда күшіне енеді.
Фото: акимат Алматы.
