Сайранда қаптаған халық, бала-шаға емін-еркін шомылып жүр
Алматыдағы Сайран көлін жаңғырту жұмысы аяқталмай жатып айналасы қоқысқа толды, деп хабарлайды КТК телеарнасы.
Суға түсу маусымын бастап кеткен жұрт қоқысты беталды тастап, жағажайдың көркі қазірден кете бастаған.
Жасанды көл күрделі жаңғыртудан соң ресми түрде әлі ашылмаған.
Маусымнан бастап пайдалануға беріледі деп жоспарланғанымен, абаттандыру жүргізіліп жатыр.
Әзірге көлде шомылуға болмайды. Алайда ескертуді пысқырып жатқан тұрғындар жоқ. Сайранда бала-шаға емін-еркін шомылып жүр.
Айта кетерлігі, мұнда қоғамдық дәретхана да ашылмаған.
Қоқыс жәшіктері бар болғанымен, оны ескеріп жатқан ешкім жоқ. Ішкен сусыны мен жеген тамағының қалдығын отырған жерінде тастап кетіп жатыр. Қоқыс көл бетінде де қалқып жүр. Жағажайда ешкім тазалықты қадағалап жүрген жоқ. “Қоқысты кейде еріктілер жинап кетеді”, дейді маңайдағы тұрғындар.
Фото: КТК телеарнасы.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
